.jpg)
له کونړه ولسي جرګې ته نوماند عطاالله ساپي سلام وطندار ته وویل، تېره شپه افغان ځواکونو د هغه په کور کې د هغه د کورنۍ ۳ غړي او کمپاینران وژلي دي.
دی وايي، دقیق نه پوهېږي چې دغه ځواکونه د کوم ارګان اړوند وو؛ خو د هغه له کور سره نږدې په یوه بل کور د چاپې او د دوو کسانو د نیولو نه وروسته یې د هغه پر کور هم برید کړیدی.
دا نوماند وايي، کسان یې بېګناه او د ده د کورنۍ غړي او کمپاینران وو چې د هغه په حجره کې وژل شوي.
دا پېښه د کونړ ولایت نرنګ ولسوالۍ شړلو کلي کې شوېده. د دې ځای یو اوسېدونکي د نوم نه خپرولو په شرط سلام وطندار ته وویل، کومانډو ځواکونو سیمه کې د ثمرګل په نوم د یو کس پر کور چاپه وهلې وه چې د هغه له نیولو وروسته د یاد نوماند وژل شوي خپلوان د پیرې پر مهال له کومانډویانو سره په جګړه اخته شوي او بیا یې وژلي دي.
د کونړ د ولایتي شورا غړي محمد ساپي هم سلام وطندار ته ویلي، بهرنیو او کورنیو ځواکونو د نرنګ ولسوالۍ په شړلو ډاګ سیمه کې د عملیاتو پر مهال د یو نوماند ۳ ساتونکي وژلي او له یادې سیمې یې ۲ کسان له ځانه سره وړي دي.
تر اوسه د کونړ چارواکیو پهدې اړه معلومات نهدي ورکړي.
