لغمان ولایتی‌نینگ یشاوچی‌لری و مدنی فعال‌لریدن بیرقطاری، بوگون (چهارشنبه) کابل‌ده بیر ناراضیلیک ییغین اوتکزیب، مذکور ولایت والیسی عبدالجبار نعیمی‌نینگ، گناه‌سیز کیشی‌لرنینگ اولدیریش، شخصی و دولتی ییرلرنی غصب‌گه آلیش و اداری فسادگه عیب‌له‌یدیلر.
اوشبو ییغین اعتراضچی‌لری‌نینگ ادعا قیلیشیچه، والی تامانیدن حمایه بوله‌دیگن کیشی‌لر، بیر قطار باله‌لر و عیال‌لرنی کلتک‌لب، اولرنی گناه‌سیز قماققه تشله‌گن.
اوشبو ناراضچی‌لرنینگ ایتیشیچه، مذکور ولایت‌ده ناقانونی قورال‌لی کیشی‌لرنینگ باشلیغی هم والی تامانیدن حمایت بوله‌دی.
مذکور ولایت قوم بویوک‌لریدن بیری ملک عاشق‌الله‌نینگ ایتیشیچه، جبار نعیمی محکمه‌گه تارتیلیشی لازم، تارتیریلمه‌گن صورتده، لغمان یشاوچی‌لری والی‌نی ارگ‌گه تاپشیره‌دی.
اوشبو قوم بویوکی‌نینگ آگاه‌لنتیریشیچه، ایستک‌لری‌گه جواب بیریلمه‌گن صورتده، کابل- قندهار قتناو یولی‌نی ترافیک اونگیده یاپه‌دیلر.
عین حالده، مذکور ولایت والیسی‌نینگ سوزلاوچیسی سرحدی زواک‌نینگ ایتیشیچه، قطار مخالف و مافیا گروه‌لری خلق تویغولریدن فایده‌لنیب و اوشبو ولایت محلی حکومتی‌نی بدنام قیلیش اوچون سعی و حرکت قیله‌دی.
جناب زواک‌نینگ ایتیشیچه، کمیده بیر آی آلدین لغمان ولایتی‌نینگ باباصاحب منطقه‌سیده انچه جریب ییر، بیر قطار کیشی‌لر تامانیدن غصب بولگن. بیراق شو توغریده تیرگاو باشلنگن و تیزلیک‌ده اوشبو ییرلر اصلی ایگه‌لری‌گه قیتریله‌دی.
