د سولې ولسي کاروان په هېواد کې د روانې جګړې پای ته رسولو او د سولې د تامین لپاره کونړ ته تللي او هلته یې کلي په کلي او کور په کور د سولې غږ له خپرول ووروسته د یاد ولایت په مرکز کې ستر لاریون وکړ.
سلګونو کونړیانو چې له یاد کاروان سره یې په یوه غږ د بدرنګې جګړې پای ته رسولو شعارونه ورکول، د جګړې له ښکېلو خواوو وغوښتل چې د بینالافغاني خبرو د پیل ترڅنګ دې تلپاتې اوربند وکړي.
د سولې ولسي کاروان ملاتړي وايي، له جګړې ستړي شوي او په ټول هېواد کې د امن او سولې غوښتونکي دي.
د دغه کاروان مشر اقبال خیبر پر افغانانو غږ وکړ چې نور دې په خپله خاوره کې د روانې پردۍ جګړې پر ضد غږ اوچت کړي، څو په هېواد کې یاده جګړه پای ومومي او سوله تامین شي.
طالبانو د هلمند سولې کاروان غړي «وهليډبولي دي»
د هلمند سولې کاروان غړي له طالبانو سره ګوري
د هلمند سولې کاروان وروسته له خیبرپښتونخوا د کابل پر لور د سولې خوځښت پيل شوی
نوموړي له وسلهوالو طالبانو وغوښتل چې د بینالافغاني خبرو اترو له لارې په افغانستان کې د بدرنګې جګړې د پای ته رسولو په پار تلپاتې اوربند اعلان کړي.
خیبر زیاتوي، له طالبانو سره د سولې روانې خبرې اترې ځکه ورته د منلو نهدي چې په وینا یې، عام ولس ترې ناخبره دی او وېره شته چې د پردې تر شا د واک پر سر د ولس په قربانیو لوبې وشي.
د سولې ولسي کاروان فعالیت د هلمند د لښکرګاه ښار په یوه سپورټي لوبغالي کې له ځانمرګي برید وروسته چې له کبله یې ۲۰ کسان ووژل شول، په هلمند کې پیل او وروسته د هېواد په ګڼ شمېر ولایتونو کې د سولې او امن چیغه پورته شوه.
