.jpg)
بوندن چمه‌سی بیر آی آلدین افغانستان معارف وزیرلیگی قیزلر نینگ مکتب لباسی رنگی اوزگرتیریلیشی باره‌سیده قرار آلگن آلدی؛ بیراق، هلی مملکت معارف وزیرلیگی‌نینگ سوزلاوچی‌سی مجیب مهردادنینگ سلام‌وطندارگه بیلدیریشیچه، بو مساله «بی وقت اعلان» ایتیلگن لیگی باعث قیز اوقوچیلر مکتب کیمی نینگ رنگی‌نی اوزگرتیریش 1396- ییلده قالدیریلگن.
مملکت معارف وزیرلیگی‌نینگ طرحی اساسیده قیز اوقوچیلر مکتب کییمی‌نینگ رنگی قاره‌دن یاروق بیر رنگ‌گه اوزگرتیریلدی. اوشبو رنگ جمهور رییس تامانیدن تعین ایتیلیب سونگ اهالی‌گه اعلان بولیشی مقصدگه موافق بولگن.
لیکن، مملکت بویلب مکتب‌لرنینگ یازگی فعالیتی باشلنگن لیگی‌گه بیر آی بولیشی‌گه قره‌می، بو طرح عملی بولمه‌گن. عین حالاده اوقوچیلر عایله‌سی همده تیکوچیلیک کارگاه‌لری هنوز گچه بو توغریده بی قرار قاگن‌لر. اولر، حکومت بو توغریده هر قنده‌ی قرار آلگن – ده مالی زیان کوریشلرینی تیل‌گه آلگن‌لر.
کابل‌لیک‌لردن بیری محمد یعقوب، بوندن اوچ ییل آلدین قیز اوقوچیلری اوچون مکتب کییمی آلیب بیرگن‌لیگنی بیلدیرگن. او، هر ییل قیزلری‌نینگ مکتب لباسی‌نی اوزگرتیریش اوچون مالی امکانیتی یوق لیگی‌نی ایتگن. یعقوب، حکومت‌دن هر بیر قراردن آلدین بونده‌ی ماله مساله‌نی هر تامانلمه اویلش نی سوره‌گن. بونده‌ی قرارلرنینگ مالی کلفتی قشاق جمیعت اوستی‌گه توشه‌دی دیگن محمد یقعوب.
.jpg)
مکتب کییم‌لرینی ایشلب چیقاروچی‌لردن سلیمان‌گه کوره، جاری ییل مکتب‌لر کییم فرومی اوزگرگن حالده، 400 مینگ افغانی زیان کوریشی مُقرر ایدی. چونکه اونینگ فابریکه‌سیده بیرمینگ دن آرتیق لباس تیارله‌نیب بازارگه چیقاریلگن.
معارف وزیرلیگی‌نینگ سوزلاوچی‌سی مجیب مهرداد، قیزمکتب‌لر اوقوچی‌لری‌نینگ کییم رنگی آته – آنه لر همده روانشناس‌لر تاماندن اوزگرتیریلشی اوچون قرار الینه‌دی دیگن. جناب مهرداد، بو توغرده اوچ رنگ جمهور رییس‌گه تکلیف بولگن، جمهور رییس اوشبو رنگلردن بیرینی تنله‌گن حالده، قیز اوقوچیلر مکتب کییمی نینگ رنگی 96- ییلده اوزگره‌دی.
بیر قنچه یشاوچی‌لر مکتب‌لر اوقوچی‌لری‌نینگ لباس رنگی شهر ناحیه‌سی اساسیده اوزگرتیریله‌دی دیگن‌لر. لیکن، بو میش میشلرنی معارف وزیرلیگی‌نینگ سوزلاوچی‌سی رد قیلگن. مهر دان باشلنغیچ، اورته و لیسه دوره‌سی اوچون اوچ رنگ جمهور رییس‌گه تکلیف ایتیلگن لیگی خصوصیده تاکیدله‌گن. اونگه کوره، قیز مکتب‌لراوقوچیلر کیمی اوزگرتیریلیشی شهر ناحیه‌لرگه تیگیشلی ایمس.
قیز اوقوچیلر لباسی‌نینگ رنگی قاره، بو رنگ ایسه نور و توز- توپلان‌نی تیزلیک‌ده اوزیگه تارته‌دی؛ انه شو سبب کوپینچه آته _آنه‌لر اوقوچی فرزندلری‌نینگ حاضرگی کیمی‌گه قرشی‌لر.
