قندهارده قاچقینلر فعالیتی بیلن مشغول اداره نینگ مسووللری، اوتگن آلتی آی ایچیده 7500 خانه‌دان ارزگان، زابل، هلمند و قندهار نینگ ایریم نا برقرار تومنلریدن آواره بولیب اوشبو ولایت مرکزیگه کیلگنی باره‌سیده خبر بیردیلر.
رسمیلر، بو سانده‌گی آواره بولگنلر مناسب مکان یوقلیگی سبب شهر و بعضی یقین آره‌ده‌گی تومنلریگه جایلشتیریلگن دیدیلر.
قندهار قاچقینلر اداره‌سی نینگ تشقی علاقه‌لر مسوولی عبدالکافی سلام‌وطندار ترماغیگه بیرگن صحبتده، آواره بولگنلرنینگ کته قسمی قندهار نینگ توقیزینچی ناحیه‌سی داخل ارغنداب، پنجوایی، دند و دامان تومنلریده حیات کیچیریشلرینی تیلگه آلگن.
قسقتقیچ هوا، مناسبت امکانیت بولمه‌گنی، ایسیق کییم – کیچیگ یوقلیگی بو آواره‌لرنی تیریک قالیش اوچون ییریک قیین چیلیککه دوچار قیلگن.
خانه‌دانیدن آواره بولگن خلق ناتینچلیکلر باعث قیشگی کییم – کیچکلرینی آلیب چیقیشگه وقت بولمه‌گن لیگینی تیلگه آلگنلر.
هنوزگچه هیچ بیر تشقی و ایچکی نا دولت اداره تامانیدن انسان‌پرورلیک یاردم ییتکزیب بیریلمه گن دیدی آواره‌لردن بیری محمد سرور.
قاچقینلردن ینه بیری صدیق‌الله، او بیر قنچه عایله‌لر بیلن تیرینکوت تومنیدن بدرغه بولگن لیگینی ایتگن. او، حاضرگی کونده شهرده‌گی سرایلردن بیریده قالیشینی بیلدیرگن. آواره بولگنلرنینگ حیاتی توغریسیده شکایت قیلیب گپیرگن صدیق‌الله هنوزگچه حکومت آرقه‌لی هیچ بیر کومک بیریلمه‌گنلیگینی اظهار قیلگن.
قاچقینلرنینگ بو معمالرینی اعتراف قیلگن قندهار قاچقینلر ایشلری بوییچه ریاست نینگ مسووللری، آلدیندن رویخطگه آلینگن بعضی بیر خانه‌دانلرگه یاردم ییتکزیب بیرووچی تشکیلاتلر تامانیدن کومک بیریلگن دیگنلر.
