جمهور رییس‌نینگ سیلاولر تیزیمی‌گه اصلاحات کیریتیش اوچون صادر قیلگن تقنینی فرمانی تکشیریلیشی اوچون مشترک کمیته مذکور فرماننی قیته دن مجلس گه یوبارگن.
بوگون (سه‌شنبه) بیرینچی مجلس‌نی اوتکزگن مذکور کمیته‌نینگ اعضالری، ایکی مجلس‌نینگ اعضالری بیر- بیراولرینی قانیقتیریش‌گه موفق بولمه‌گن لیک‌لرینی ایتگن‌لر.
قانونگه کوره، جمهور رییس‌نینگ صادر قیلگن تقنینی فرمانی بیر مجلس تامانیدن تصدیق له‌نیب، ینه بیر مجلس طرفیدن رد ایتیلگن حالده، ملی کینگش اعضالریدن قوشمه کمیته تشکیل ایتیلیب فرمانده موجود قرمه قرشی موردلری اوستیده بحث قیله‌دیلر.
مشترک کمیسیون‌نینگ اعضاسی عبیدالله بارکزی‌نینگ سلام‌وطندارگه ایتیشیچه، قرمه قرشی موردلر اوستیده بحث آلیب باریلگن‌دن کیین، اوشبو فرمان‌گه آواز بیریلیشی کیره‌ک بوله‌دی؛ اما، سنا مجلس اعضالری بو ایشدن قورقیب فرمانی قیته‌دن نماینده‌لر مجلسی‌گه یوبارگن‌لر.
قوشمه کمیته‌نینگ اعضاسی انارکلی هنریارنینگ سوزلریگه کوره، کمیسیون‌نینگ بوگونکه اولتیریشی‌ده ایکّی مجلس‌نینگ اعضاسی هم تقنینی فرمان توغریسید‌ه سابق موقف‌لرینی مدافعه قیلیب، آخیرگه کیلیب، ایکّی تامان هم بیر- بیرارولرنی قانیقتیره آلمه‌گن‌لر.
خانم هنریار، افغانستانلیک سناتورلر مملکت حاضرگی وضعیتی همده ملی منفعت‌لرنی انابت‌گه آلیب نماینده‌لر مجلس اعضالریدن اوشبو فرماننی تصدیق‌لش‌نی سوره‌گنلر دیگن، لیکن اولر بو ایشدن باش تارتگن‌لر.
عین حالده، اوتگن کون نماینده‌لر مجلسی‌نینگ عدلی وقضایی کمیسیونی تشکیل بولگن قوشمه کمیته اعضالری رویخطی ساخته‌لتشیریلگن لیگینی ایتیب، کمیسیون اوچون تعین بولگن اعضالر سیلاولر تیزیمی‌گه اصلاحات کیریتیلیشی‌گه قرشی‌لر، انه شو باعث تقینی فرمان بولرنی طرفیدن رد ایتیلیشی ممکن دیگن ایدی.
