قندوز یشاوچی‌لری و مدنی فعال‌لری، کرونا ویروسی خصوصیده معلومات بیریش و بو ویروس‌گه توسیق بولیش اوچون سعی و حرکت قیلیب و ینگی‌لیکده ایراندن کیلگن کیشی‌لرنینگ قرنطین قیلینیشی‌نی ایسته‌یدیلر.
اوشبو ولایت یشاوچی‌لری، «دستاربندلیک» عنوانیده یولگه قویله‌‍دیگن ییغین‌لردن تنقید قیلیب و شونده‌ی ییغین‌لر اوتکزیلمه‌سینی سوره‌گنلر.
اولرنینگ ایتیشیچه، کرونا ویروسی دنیانی تهدید قیلگن بیرحالده، قندوز ولایتیده بیرقطار دینی مدرسه‌لرنینگ مسووللری اوشبو ولایت نینگ مرکزی و تومن‌لریده دستاربندلیک مراسم یولگه قویه‌دی‌لر و بو موضوع اهالی‌نی خواطرگه سالگن.
قندوز ولایتی بوییچه حج و اوقاف ریاستی باشلیغی عبدالرشاد رشاد نینگ ایتیشیچه، اوشبو اداره نیچه مرته دین عالم‌لردن دستاربندلیک مراسم‌لر اوتکزمه‌یش‌لرینی سوره‌گن. اونینگ ایتیشیچه، دینا عالم‌لردن بیرقطاری بو اداره دستوریگه دقت قیلمه‌یدی.
جناب رشادنینگ کوپه‌یتیریشیچه، روحانی‌لر و دین عالم‌لر اوشبو اداره و ساغلیک‌نی سقلش ریاستی نینگ توصیه‌لریگه عمل قیلمه‌یدی و اولرنینگ دینی موضوع‌لر خصوصیده معلوماتی یوق دیر.
قندوز ولایتی بوییچه ساغلیق‌نی سقلش ریاستی باشلیغی احسان‌الله فضلی نینگ ایتیشیچه، شونده‌ی مراسم‌لر و ییغین‌لرگه توسیق بولیش اوچون بیرکمیسیون ایجاد قیله‌دیلر.
قندوز ولایتیده بولگن دین عالم‌لر توغریده صحبت قیلیش‌نی ایستمه‌گن.
ایتیلیشیچه، اوتگن بیر هفته جریانیده «دستاربندلیک» عنوانیده کمیده 10 مراسم اوشبو ولایت مرکزی و تومن‌لریده اوتکزیلگن و مینگ‌لرچه کیشی‌لر بو مراسم‌لرده اشتراک قیلکن.
افغانستان بوییچه ساغلیق‌نی سقلش وزیرلیگی نینگ اعلان قیلیشیچه، حاضرگه‌قدر 273 کیشی کرونا ویروسی‌گه چلینگن و بو جمله‌دن 6 ته‌سی هلاک ایتیلیب و باشقه 10 درمان‌لنگن دیر.
ساغلیق‌نی سقلش وزیرلیگی نینگ مسووللری، افغانستان یشاوچی‌لریدن کرونا ویروسی‌گه توسیق بولیش اوچون اویلریده قالیش‌لرینی سوره‌گن.
