.jpg)
قندوز ولایتی‌ده عُشر ییغیش اوستی‌ده 3 کیشی اولدیریلگن. قندوز شرقی ایشیگی یقینی‌ده جایلشگن شینواری قیشلاغی‌نینگ چرخاب منطقه‌سیده مسولیت‌سیز قوراللی شخص‌لرعُشر ییغیش اوستی‌دن تورگن قوراللی توقنشووده اوچ نفر اولدیریلگن و حادثه ده یره لگن بیر کیشی نینگ هم ساغلیق احوالی آغیر ایکنی ایتیله‌دی.
بوگون توشدن کیین خبری بیر انجمن‌ده سوزله‌گن ولایت والی‌سی اسدالله عمرخیل، واقعه حکومت اداره‌سی آستی‌ده بولگن حدود ده روی بیرگن دیگن.
او، مساله جدی شکل‌ده تیکشیریلیشی‌نی بیلدیرگن. جناب عمرخیل، مذکور گروه‌لر اهالی‌دن زوردن عُشر ییغیش بیلن شغله‌نیش‌لرینی تیل‌گه آلگن.
دولت اداره‌سی آستی‌ده هیچ بیر گروه عُشر ییغیش اوچون رخصت بیریلمیدی دیدی والی. قندوز پولیس قوماندانی و خوف‌سیزلیک آمریتی‌نینگ سرپرستی معصوم هاشمی خبری اولتیریش‌ده، بو گروه نینگ ایکّی قوماندانی قوشیمه اوچ نفری حبس‌گه آلینگن لیگی باره‌سی‌ده خبر بیرگن.
او، قول‌گه آلینگن قوماندانلر "قدوس چپه" و "قوماندان حکمت"لر ایکن لیگینی بیلدیرگن. بو قوماندانلر هر بیری 20 کیشی قورال‌لنگن شخص‌نینگ قوماندانی اوله‌راق محل‌ده فعالیت قیلگن.
قندوز امنیه قوماندانلیگی نینگ سرپرستی، قول‌گه آلینگن کیشی‌لر قانون چنگالی‌دن قاچمس‌لیک‌لری اوستی‌ده تاکیدله‌گن.
اما، مملکت شمال شرقی‌ده سپین رز 808- زون قوماندانی شیر عزیزکامه‌وال، واقعه ده قوراللی طالب‌لرنینگ هم قولی بار دیگن.
کامه‌وال، حادثه بوگون ایرتلب قوراللی طالب‌لر هم اوشبو منطقه گه عُشر ییغیش اوچون کیلگن بیرپیت‌ده یوز بیرگن لیگینی معلوم قیلگن.
قوراللی طالب‌لرنی منطقه‌دن چیقاریش اوچون محل‌گه کیلیش‌باریش‌گه سفر بر بولگن قوراللی ایکی گروه بو قیشلاققه ییتمس‌دن آلدین دولت مخالف‌لری محل دن ترک قیلیب قاچه‌دی دیدی 808- زون قوماندانی.
محل‌ده بیرقنچه ایکینچی‌لرنینگ سلام‌وطندارگه ایتیشلریچه، بوایکّی گروه اورتهسیده یوز بیرگن آتیشمه‌ده، بوغدای حاصل‌لری اوتگه یانیب نابود بولگن.
قندوز مملکت شمال شرقی‌د‌ه‌گی نابرقرار ولایت‌لردن حسابلنه‌دی. بو ولایت اوتگن ییل میزان آییده اوچ کون جنگری طالب‌لر اشغالی‌گه اوتگن ایدی.
جنگری طالب‌لر مذکور ولایت‌نینگ بیر قنچه تومنلرینی اوز تصرف لریگه آلیش اوچون نیچه مرته ییریک عملیات‌لرنی اوتکزیشدی. لیکن، اولرنینگ هجوملری ملی کوچلر تامانیدن آلدی آلیندی.
