.jpg)
قندوز ولایتی امنیتی اداره‌لری‌نینگ رسمیلری، 1000 ایشک تیریسی کشف ایتیب ضبط قیلگن لیکلری باره‌سیده خبر بیردیلر. ولایت خوفسیزلیک مسووللری، ایشک تیریسی یوکلنگن موتر خوفسیزلیک بیلباغلریدن بیریده تانیلیب توخته‌تیلگن لیگینی ایتگنلر.
تیریلرنی یوکله‌گن موترنینگ هیداوچیسی مصور، موترگه جایلشتیریلگن یوک توغریسیده هیچ قنده‌ی خبر بولمه‌گنینی ایتگن. اونینگ سوزلریگه کوره، بو ایکینچی مرته بلخ ولایت‌نینگ کارته آریانا منطقه‌سیدن هوکیز تیریسی آتیگه قندوزگه یوک آلیب بارگن.
.jpg)
اوشبو موتردن هر بیر بوجیگه 10ته ایشک تیریسی جایلشتیریشگن 100 بوجی قولگه کیریتیلگن.
خبرنی تصدیق ایتگن قندوز ولایتی والیسی نینگ سوزلاووچیسی سیدمحمود دانش، حادثه‌ده قولی بارلیکده عیبله‌نیب هنوزگچه تورت کیشی حبسگه آلینگن دیگن.
جناب دانش‌گه بو ایشکلرنینگ گوشتی نیمه بولگنی توغریسیده بیریلگن سوراققه، بو حقیده تیگیشلی اداره‌لر تیرگاو باشله‌گنلر دیدی.
