قندوز ولایتی‌ده قوراللی طالبلر اشغالیده بولگن بعضی بیر بولیملرنینگ یشاووچیلری، ملی کوچلر مخصوص حربیلری آرقه‌لی کیچکی عملیات اوتکزیلمس‌لیگی اوچون طالبلر آرقه‌لی بوتون کوچه – کویده ماین اورنه تیلگن دیگنلر. اهالی، آقشام ساعت 8 دن ایرتلب تانگی وقتی بیلن ساعت 6 گه قدر عاجل کسل تاپیلگن حالده هم کوچه‌لرده ماین اورنه تیلگنی باعث تشقری چیقه آلمس‌لیکلرینی تیلگه آلگنلر.
قندوز ولایتی آلچین منطقه‌سی نینگ ایکّی کیشی یشاووچیسی سلام‌وطندار ترماغیگه بیرگن صحبتی‌ده، قوراللی طالبلر قیشلاق نینگ بوتکول اهالیسینی شامدن سونگ تشقری چیقمس‌لیگی توغریسیده آگاهلنتیرگن دیگنلر. هنوزگچه اوشبو ماینلر پارتلشی عاقبتیده نیچه باله جدی زیان کورگنی ایتیله‌دی.
قندوز ولایتی نینگ ولایت کینگشی باشلیغی امرالدین ولی، ولایت‌نینگ 70% حدودیگه کیچه تاماندن قوراللی طالبلر آرقه‌لی میاین اورنه تیله‌دی دیگن. بو ایش بیلن تینچ اهالی نینگ تومنلر، قیشلاقلر و قندوز مرکزی بیلن علاقه‌سی کیسیلیب قاله دی دیگن ولایت کینگشی نینگ باشلیغی.
جناب ولی نینگ تعبیریچه، قندوز شهری‌نینگ گل‌تپه تومنی و حضرت سلطان منطقه‌سی نینگ یولی بیر ییلدن بیری جنگریلر آرقه‌لی ماین اورنه تیلگن جایلریدن حسابلنه‌دی.
اهالی سوزلرینی تصدیق ایتگن ولایت امنیه قوماندانی محمدقسیم جنگل باغ، کیچکی پیت افغان مخصوص حربیلری آرقه‌لی عملیات اوتکزیلمس‌لیگی مقصدیده منطقه‌لرده طالبلر ماین اورنه‌تیشینی اعتراف قیلگن.
لیکن، مذکور حدودلر تیزلیکده جنگریلر اشغالیدن چیقاریلیشی توغریسیده ایشانچ بیرگن جناب جنگل باغ.
ایکّی ییلدن بیری قندوز ولایتی نینگ ایریم منطقه‌لری دولت قوراللی مخالفلریدن تازه‌له‌نیشی اوچون حکومت رسمیلری بار – بار وعده بیرگن لیکلریگه قره‌می، بیراق هنوز هم عملیات‌دن درک یوق.
