حادثه‌لرگه قرشی کوره‌شیش کمیسیونی‌نینگ بیرگن گزارشی‌گه کوره، قندوز اوروشیدن 12 مینگ دن آشه عایله بدرغه بولگنلر. ایتیلیشیچه، بدرغه بولگنلر بغلان، تخار، بدخشان، سمنگان، کابل، پروان، کاپیسا و پنجشیر ولایتلریده قاچیب چیقگنلر.
اجرایی ریاست باشلیغی عبدالله عبدالله نینگ جمعه کونگی آلگن اولتیریشیده حادثه‌لرگه قرشی کوره شیش کمیسیونی‌گه حکومت نینگ قندوز بدرغه‌لریگه توجه قیلیش بیرینچی ایشی بولگن و اولرنی قیته اویلریگه ایلتیش باره‌سیده جدی شکلیده حرکت قیلگنلریدن ایشانچ بیردی.
شونینگ‌دیک جناب عبدالله قندوز بدرغه‌لری اوچون بوله‌دیگن یاردم‌لر قانیقتیرلی ایمس و جدیتنی قولدن بیرگن بیرحالده بجیریلگن‌لیگی‌نی بیلدیریش بیلن مذکور نهاد اوز ایشلرینی تیزلشتیریشلرینی ایسته‌گن.
حادثه گه قرشی کوره‌شه دیگن کمیسیون اعضالری قندوز شهریده انسانلرجسدی موجودلیگی، ایچه دیگن سوو یوقلیگی و شهرده برق بولمه‌گنلیگی‌نی قندوز هالیسی اوچون ایریک قیینچی‌لیکلردن دیب عنوان قیلگنلر.
کمیسیون نینگ اوتگن کونگی اولتیریشیده، قندوز وضعیتی اوچ مرحله‌گه، بدرغه بولگنلرگه یاردم بیریش، اهالی نیازمندلیکلری تیکشیریلیشی و اولرگه یاردم ایتکیزیش باره سیده اورغوله‌ب؛ اوروشده دولتی و بین المللی موسسه‌لر بوزیلگن ییرلری قیته قوریلیشی ایتیلگن.
شونینگ‌دیک بوکمیسیون شهر ایچیده‌گی قالگن جسدلرنی محلی یاش اولوغلر و بین المللی کمیته قیزیل آی یاردمی بیلن بیر ییرده ییغیش تصمیمی‌نی آلگن.
دولت نینگ اضطرار حالتلرده‌گی وزیری و ملی اداره عمومی باشلیغی ویس‌احمد برمک اوتمیش 13 ییلده قندوز حادثه‌سینی تینگ سیز حادثه بیله‌دی و اوشبو قیینچی‌لیکلر ییچیلیش اوچون برچه امکاناتلردن استفاده قیلینسین دیب تأکید قیله‌دی.
بوندن آلدین هم تخار ولایتیده قندوز اوروشیدن بدرغه بولگنلر وضعیتی تیکشیریش مسؤوللری بدرغه بولگنلر، یوقمه پیچ و کوکسوی کسللیگی‌گه یولیقگنلریدن خبر بیرگن ایدی.
تخارده‌گی محلی منبع‌لرنینگ ایتیشیچه، قندوزلیک عایله‌لردن بیر تخارنی اوزیده 7000 مینگ عایله بدرغه بولگنلر. منبع‌گه کوره، بدرغه بولگنلردن کوپیسی یمان وضعیتده حیات کیچیریب کیلماقده‌لر.
