.png)
افغانستان شمال شرقیده جایلشگن قندوز ولایتی نینگ امنیه قوماندالیگی نینگ مسووللری، دشت ارچی تومنی نینگ امنیه قوماندانی شاه‌میرزا ایش‌دن آلینگن لیگینی بیلدیردیلر. او، ایچکی ایشلر وزیرلیگی تامانیدن کابل‌گه چقیریلگنی ایتیله‌دی.
قندوز امنیه قوماندانی عبدالحمید حمیدی‌نینگ سلام وطندارگه خبر بیریشیچه، شاه‌میرزا نینگ بچه بازلیک‌ده بولگن ویدیو تصویری اجتماعی ترماق آرقه‌لی نشر بولگندن سونگ ایش‌دن آلینگن.
جناب حمیدی، دشت ارچی تومنی نینگ امنیه قوماندانی بوندن آلدین هم ایشی‌گه نسبتن تفاوت‌سیزلیککه عیب لنگن ایدی؛ لیکن اونینگ ویدیوسی اجتماعی ترماققه نشر بولیشی تیزلیک‌دن لوازمیدن آلینیشی‌گه باعث بولدی دیگن.
ولایت امنیه قوماندانی، تومن اوچون هنوزگچه باشقه بیرار کیشی امنیه قوماندان ایتیب تعیین لنمه‌گن دیگن.
قندوز محلی امنیتی رسمیلری، اوتگن هفته فیس بوک اجتماعی ترماغی‌ده قولمه – قول بولگن بچه بازلیک ویدیوده دشت‌ارچی تومنی نینگ امنیه قوماندانی هم بولگن. شونینگدیک اوشبو مجلس‌ده اونینگ نامیگه قوشیق هم اوقیلگن دیدی ولایت امنیه قوماندانی.
