قندوز شهری بوتونله‌ی دولت نظارتی‌گه اوتگنی‌دن بیر هفته‌دن کوپراق اوتماقده، بیراق حاضرگچه اوشبو شهر کورینیشی حربی بولیب، تیار صورتده قرار تاپگن. قندوز یشاوچیلری شاشیلینچ و ایشانچ‌سیزلیک بیلن حیات کیچیره‌دی؛ مذکور شهرده امنیت و اقتصاد توغری‌سیده هیچ قنقه امید بیلدیرمه‌یدی.
بوتون شهرده کیلیم و کیتیم بار؛ بیراق تینچ‌لیک حاکم بولگن. قندوز شهری‌نینگ مرکزی طالب‌لر تامانیدن اویوشتیریلگن نیچه کونلیک هجوم جریانیده قتیق توقنه‌شوولرگه گواه بولگن. بو منطقه‌ده 9 کته مارکیت اوق آتیش‌لر نتیجه‌سیده بوزیلگن. قندوز شهری چوکی‌ده دکانی زیان کورگن سوداگرلردن بیری احمد ولی‌نینگ سلام‌وطندارگه ایتیشیچه، میزان آیی‌نینگ 6 سی، قندوز ایچیده اوروش کیریشی بیلن کوپینچه مردم بارو یوق‌لرینی قوییب اوز جان‌لرینی آلیب چیقگن. احمد ولی‌گه کوره، قندوز چوکی‌ده‌گی کوپینچه مارکیت و دکان‌لرنی کمیده 50 مینگ دالر سرمایه‌سی بار ایکن؛ بیراق حاضر توپراق‌دن باشقه نرسه قالمه‌گن.
ویران‌لیک بوتون شهرگه سایه تشله‌گن و برچه ییرده کورینه‌دی. شهر یشاوچیلریدن بیری عبدالحق تنی‌نینگ ایتیشیچه، قندوز خلقی بو اوروش‌ده نه فقط جان بیرگن بلکیم مال و دارایی سیدن هم کیچگن. اون بیش کونلیک اوروش اولرنینگ بار و یوغی‌نی آلگن. تنی ایشانچی‌گه کوره، خلق بیر تاماندن شهر امنیتی بوتونله‌ی تأمین لنیشی و باشقه بیر تاماندن، قندوز شهری قیته قوریلیشی خصوصیده، دولت‌دن یاردم سوره‌یدی.
یشاوچیلر برچه نرسه‌دن کوره، طالب‌لرنینگ قیتیب کیلیشی و بوزغونچیلیک کوپه‌ییشی خصوصیده خواطر بیلدیره‌دی. انه شو سبب، شهر یشاوچیلریدن کوپینچه‌سی، دولت‌دن قندوز شهری و باشقه اوزاق منطقه‌لرینی بوتونله‌ی طالب‌لردن تازه‌لشینی ایسته‌یدی. حاضر هر بیر تورت یول‌ده امنیتی کوچلر تعیین‌لنیب تیارگرلیک آلیب تورگن. ولی‌گه کوره، قندوز چوکی‌ده‌گی کوپینچه مارکیت و دکان‌لرنی کمیده 50 مینگ دالر سرمایه‌سی بار ایکن؛ بیراق حاضر توپراق‌دن باشقه نرسه قالمه‌گن.
باشقه تاماندن، بدرغه‌لر استه سیکین اویلریگه قیتماقده. اولر، برچه نرسه اوتمیش‌لردیک بولیشی‌گه امید بیلدیره‌دی. قندوز امنیه قومندانی جنرال محمد قسیم جنگل‌باغ، امنیتی وضعیت یخشی بولگنینی ایتیب و قندوز شهری‌نینگ یشاوچیلریدن اویلریگه قیتیش‌لرینی سوره‌گن.
قندوز شهری بوتونله‌ی تازه‌لنگنی‌دن نیچه کون اوتیب بارماقده، بیراق حاضرگچه دولتی اداره‌لر جدی صورتده فعالیت‌گه باشلمه گن. قندوز ولایتی‌نینگ سرپرستی حمدالله دانشی، بیرینچی اداری ییغینیده، برچه اداره‌لردن دفت‌لری فعال بولیشینی ایسته‌دی.
قندوز شهری میزان آیی‌نینگ 6 سی، طالب‌لرنینگ کینگ هجومی باعث، مذکور گروه نظارتی‌گه اوتدی و دولتی کوچلر تامانیدن عمل‌گه آشیریلگن نیچه کونلیک کینگ عملیات‌لر نتیجه‌سیده، اوشبو شهر قیته‌دن دولتی کوچلر قولی‌گه توشدی. دولت رسمی‌لریگه کوره، بو اوروش‌ده قورال‌لی طالب‌لر آغیر تلفات کورگن.
