قندوز شهری نینگ ۷ قیشلاغی یشاویچلریدن کوپیسی اوشبو شهرده اوتکزیلگن «پامیر۱» عملیاتینی یوتوغ سیز دیگنلر.
بیرهفته آلدین امنیتی کوچلر قندوز شهری نینگ شمالشرقیدهگی قیشلاقلردن ۷ته‌‌سیده طالبلرنی نابود قیلیش و شهر امنیتی‌نی تأمینلش اوچون پامیر۱ ناملی عملیاتنی یولگه قویگن ایدی. نیچه کون اوتیشی بیلن بو امنیتی کوچلر بوزقندهاری، ملاسردار، اورته بولاق، عرب‌ها و باشقه شهر یقینیده‌گی نیچه قیشلاق طالبلر بارلیگیدن پاک بولدی دیب اعلام قیلگن ایدی.
بیراق حاضرقندوز شهری نینگ یشاوچیلری، عملیات یوزلرچه عایله بدرغه بولیشی‌دن باشقه یوتوغی یوق ایدی دیگنلر.
بدرغه بولگنلردن بیرقطاری پامیر۱ ناملی عملیات اوتکزیلیشینی تنقید قیلیب سلام‌وطندارگه ایتیشلریچه، عملیات باشلنغیچ کونلریده قیشلاقلری طالبلردن پاک بولگن ایدی، بیراق امنیتی کوچلر آرقه گه چیکنلیشلری بیلن مذکور قیشلاقلر قیته طالبلر تصرفیگه اوتگن.
.jpg)
قندوز مهاجرلر ریاستی نینگ باشلیغی عبدالسلام هاشمی هم خبرنی تأیید قیلیب عملیاتلرجریانیده یوزلرچه خانه‌دان بدرغه بولگن و ۴ یوزگه یقین عایله مذکور ریاستگه یاردم سوره‌ب کیلگن لیگینی معلوم قیله‌دی.
بیراق قندوز والیسی نینگ سوزلاوچیسی سیدمحمود دانش قندوزشهری اطرافیده‌گی قیشلاقلردن امنیتی کوچلرنی آرقه گه چیکلنگنلرینی رد قیلیب ایتیشیچه: «عملیاتدن کیین امنیتی کوچلردن هیچ بیری محلنی ترک قیلمه‌گن.»
جناب دانش نینگ ایتیشیچه، شو حاضر امنیتی کوچلر قیشلاقلرده اورنه تیلگن ماینلرنی بیکار قیلیش و امنیتی پوسته قوریش ایشلری بیلن مصروف‌لر.
قندوزشهری نینگ شمالشرقیدهگی قیشلاقلر یشاوچیلریدن یوزلرچه‌سی بدرغه بولگنلیگینی ولایت محلی رسمی‌لری تأیید قیلیب، بدرغه بولگنلرقیینچی‌لیگی حل ایتیلیشیگه اولگوریشنی تیلگه آله دیلر. اولرگه کوره، پامیر۱ عملیاتی یکونله گنیدن سونگ بوتون ولایت طالبلر بارلیگیدن پاک بوله‌دی و شهر اطرافیده امنیتی پوسته ایجاد قیلماقده‌لر.
