.jpg)
اوچ آیدن بیری قندوز ولایتی‌ده قوراللی طالب‌لرنینگ تهدیدی و آگاهلنتیریشی باعث مخابرات شرکت‌لری کیچه تاماندن فعالیتی‌نی توخته‌دی. قندوز مخابرات اداره‌سی‌نینگ باشلیغی فضل‌الرحمن شینواری خبرنی تصدیقلب ایتیشیچه، افغان حربی کوچلری‌نینگ تونگی عملیات‌لری، طالب‌لر تامانیدن علاقه شرکت‌لرنینگ فعالیتی کیچه تاماندن توخته تیلیشی‌گه سبب بولگن.
قندوز خلقی‌نینگ هم انیق شکایت‌لری انه شو مساله توغریسی‌ده. قندوز ولایت مرکزی و اطراف‌لرده‌گی نابرقرارلیک‌لر وضعیتی توغریسی‌ده خواطر بیلدیرگن اهالی، بو قیینچ‌لیکلر برطرف ایتیلیشی اوچون حکومت هیچ قنده‌ی اعتبار قره‌تمه‌گن لیگینی ایتگن‌لر.
قندوز چای ساتوچی رسته‌سی‌نینگ دکاندارلریدن بیری خیرمحمد علاقه‌لر ترماغی فعالیتی کیچه تاماندن دولت مخالف‌لری آرقه‌لی توخته تیلیشی ییریک معمالرنی توغدیره دی دیگن. او، کیچه تاماندن مخابرات شرکت‌لر فعالیتی توخته‌تیب قوییلیشی، شاشیلینچ حالت‌لرده اینیقسه تون‌نینگ یریمیده کسل‌لیک تاپیلگن حالده، جوده آغیر توشه‌دی دیگن.
اوتگن ییل عقرب نینگ 28- سیده قوراللی طالب‌لر تامانیدن ترقه تیلگن شب نامه لرده، ملی کوچلر تامانیدن جنگری طالب‌لرگه قرشی کیچه تاماندن اوتکزیله دیگن حربی عملیات‌لر کوپینچه مخابرات شرکت‌لر فعالیتی آرقه‌لی طالب‌لر تعقیب بولیشی یازیلگن ایدی.
انه شو سبب بو حرکت کیچکی وقت ساعت بیش دن باشلب ایرتلب تانگ وقتی علاقه‌لر شرکتی‌نینگ فعالیتی توخته تیلیشی اوچون قرار آلگن. ایتلیشیچه، طالبان حکمی‌دن باش تارتیش‌گه حرکت قیلیشگن شرکت‌لرنینگ 13 پایه‌سی پس‌گه ییقیتیلگن دیگن.
.JPG)
قندوز علاقه‌لر اداره‌سی‌نینگ باشلیغی، شهر مرکزیده بولگن بیرقنچه مخابرات شرکت‌لری آنتی ساحه‌دن تشقری طالب‌لر منطقه‌لرینی هم قاپله‌شی اوچون، مذکور آنتن‌لر هم کیچه تاماندن ایشدن دن چیقاریلیشی‌نی تصدیقله‌گن.
اما، قندوز امنیه قوماندانلیگی‌نینگ خوفسیزلیک آمری معصوم هاشمی ولایت مخابرات اداره‌سی رییسی ادعاسینی بوتونلی رد قیلیب ایتیشیچه، پایه‌لر خوفسیزلیگی‌نی تامین‌لش اوچون مخابرات شرکت‌لری اهالی بیلن کیلیشگن لیگی برچه قیینچلیک اورته گه چیقیشی اوچون باعث بولگن و بو مساله طالب‌لر تهدیدیگه تیگیشلی ایمس دیگن.
جناب هاشمی، مخابرات شرکت‌لرنینگ اداره‌سی امنیتی اداره‌لر مسوول‌لرینی جریاینگه قویمس‌دن آنتن‌لر امنیتی تامین ایتیلیشی اوچون یشاوچی‌لر بیلن کیلیشیب آله دیلر. بیراق، بیر قنچه وقت‌دن بیری شرکت‌لرنینگ علاقه‌سی یشاووچی‌لر بیلن اره‌سی یخشی بولمه‌گن لیگی سبب بونده‌ی بیر میش – میش لر یوز بیره‌دی دیگن.
هر حالده، اهالی اوچون اینگ اهمیتلی مساله کونده‌لیک حیات دیر. مخابرات شرکت‌لر فعالیتی کیچه تاماندن توخته تیلیشی هنوز معمالیگیچه قالماقده.
