قندوز ولایتی‌ده قورال‌لی طالب‌لر نظارتی‌ده بولگن منطقه‌لرده اون بیرینچی صنفده حرفه مضمون درس بیریلیشی ممنوع ایتیلگن. ایتیلیشیچه، مذکور مضمون‌نینگ اصلی موضوعلری چالغو اسباب‌لریگه بغیشلنگنی سبب درس بیریلیشی توسیلگن.
مذکور خبرنی تصدیق‌له‌گن قندوز ولایتی‌نینگ معارف اداره‌سی رییسی محمد ظاهر نظم نینگ ایتیشیچه، مرکز قوشیمچه بیش ولسوال‌لیک‌نینگ مکتبی‌دن تشقری باشقه منطقه‌لرنینگ مکتبی طالب‌لر نظارتی آستیده. جناب نظم گه کوره، ولایت بویلب 495 مکتب فعالیت قیله‌دی اولردن 300 ته‌سی طالب‌لر نظارتی‌ده بولگن منطقه لرده دیر.
طالب‌لر تصرفیده بولگن منطقه‌لر مکتب‌لری‌نینگ اوقووچیلری‌نینگ سلام‌وطندارگه ایتیشلریچه، مذکور گروه مکتب‌لر درس‌لیک‌لریگه اره‌لشیب اوز ایستکلرینی تطبیق قیلیش‌گه حرکت قیله دیلر.
قندوز معارف اداره‌سی نینگ باشلیغی، مذکور مکتب‌لر طالب‌لر نظارتی‌ده بولگن منطقه‌لرده بولیشی‌گه قره‌می، برچه امکانیت‌لری دولت تامانیدن تامین ایتیله‌دی دیگن.
ایتیلیشیچه، خان‌آباد، دشت‌ارچی و قلعه ذال ولسوال‌لیک‌لریده نابرقرارلیک‌لر میزانی آشگن لیگی اوچون ایریم مکتب‌لرنینگ ایشیگی اوقووچیلری یوزیگه یاپیلیب قالگن.
ایریم گزارش‌لرده بوندن آلدین قورال‌لی طالب غزنی، لوگر، پکتیا و ننگرهار ولایتی‌ده بعضی مکتب‌لر ایشیگینی شاگردلر یوزیگه یاپگن لیک‌لری ایتیلگن ایدی.
