اوتگن کون طالبان قندوز شهری اوستیگه کینگ هجوم قیلدی کیم آتیشمه‌لر نتیجه‌سیده، مذکور ولایت یشاوچیلریدن قطاری هلاک و یره‌لنگن و شونینگدیک باشقه بیر قطاری آواره بولگن.
قندوز ولایتی کینگش اورین‌باسری صفی‌الله امیری نینگ سلام‌وطندارگه ایتیشیچه، طالبان حاضر شهر اطرافیدن اوزاق‌لشگن و وضعیت امنیتی کوچلرنینگ نظارتی گه دیر.
جناب امیری گه کوره، طالبلرنینگ هجومی‌ده، 20 حربی و تینچ‌اهالی هلاک و قندز پولیس قومندانی منظور استانکزی شامل باشقه 70 حربی و تینچ‌اهالی تن‌جراحتی کوتارگن.
قندوز ده 217 پامیر قول اردو قومندانلیگی سوزلاوچیسی اورین‌باسری هادی جمال نینگ ایتیشیچه، آتیشمه‌لر جریانیده 36 طالب هلاک و باشقه 2 طالب یره‌لنگن.
اونگه کوره، وضعیت امنیتی کوچلرنینگ نظارتی گه دیر و طالبان محلدن قاچگن.
شو توغریده:
طالبان گروهی قندوز مرکزی اوستیگه هجوم قیلگن
قندوز شهری خوفسیزلیک رسمی‌لری گه میزبان بولدی
قندوز یشاوچیلریدن قطاری سوو و برق یوقلیگی و مخابراتی ترماقلر کیسیلگنیدن شکایت قیله‌دیلر. اولرگه کوره، حکومت هیچ قنده‌ی عملیات یولگه قویمه‌گن و طالبلر اوز نظارتی گه آلگن منطقه‌لرنی ترک قیلگن.
طالبان سوزلاوچی‌لریدن بیری ذبیح‌الله مجاهد بیر خبرنامه ترقه‌تیب ایتیشیچه، اوشبو گروه مقصدی قندوز شهری نینگ نظارت گه آلیش ایمس، بلکیم امنیتی کوچلرنینگ پوسته‌لرینی نابود قیلیش ایکن. مذکور خبرنامه‌ده کیلیشیچه، طالبان و امنیتی کوچلر آره‌سیده بولیب اوتگن آتیشمه‌لرده، 43 عسکر و 18 طالب هلاک و یره‌لنگن.
