بوگون "پنجشنبه" قندوز ولایتی نینگ چهاردره تومنی یشاوچیسی بولگن مختار ناملی 13 یاشر انتحارچی بیر باله امنیتی کوچلرگه تسلیم بولگن.
مختارنینگ ایتیشیچه، آته‌سی کوماندو کوچلری نینگ اعضاسی ایکن و 5 ییل آلدین طالبان گروهی اوی‌لریگه هجوم قیلیب و آته‌سی و آنه‌سینی اوققه توتگن.
اونینگ ایتیشیچه، طالبان گروهی ایکی ایناغه‌سی و ایکی سینگلی‌نی اوزلری بیلن آلیب کیتگن و ایناغه‌لر طالبان تامانیدن تربیه‌لنگنیدن سونگ، کابل ده انتحاری هجوم انجام بیرگن، بیراق سینگل‌لریدن خبری یوق.
قندوز پولیس قومندانلیگی سوزلاوچیسی هجرت‌الله اکبری نینگ ایتیشیچه، مختار ناملی 13 یاشر باله 5 ییل‌نی چهاردره تومنیده طالبان نینگ انتحاری تربیه‌لش مسوولی مولوی مصطفی نینگ یانیده اوتکزیب تروریستی فعالیت‌لر خصوصیده تعلیم کورگن.
بیراق، طالبان سوزلاوچیسی ذبیح‌الله مجاهد نینگ اوشبو خبرنی رد قیلیب ایتیشیچه، اولرنینگ فدایی عملیات‌لری توخته‌تیلگن.
طالبان سوزلاوچیسی نینگ کوپه‌یتیریشیچه، بونده‌ی ایش‌لرگه باله‌لردن فایده‌له‌نیش ناتوغری دیر و فدایی عملیات‌نی اویوشتیرش اوچون مینگ‌لرچه کیشی کوتیب تورگن.
