بوگون «پنج‌شنبه» توشدن کیین قطار قوراللی کیشیلر قندهار خوفسیزلیک قومندانلیگی برابریده بمب جایلشتیرگن موترنی پارتله‌تیب و گروهی هجوم قیلگنلر.
قندهار محلی رسمی‌لریگه کوره، بوگون توشدن کیین ترورچیلر بیرینچی‌ده قومندانلیک نی شمالی ایشیگی برابریده بمب جایلشتیریلگن موتر نی پارتله‌تیب و کیین ایسه امنیتی کوچلر و ترورچیلر آره‌سیده آتیشمه باشلنگن.
شونینگدیک، میرویس حوزوی کسلخانه‌سیدن بیر منبع نینگ ایتیشیچه، مذکور حادثه‌ده حاضرگچه 9 کیشی هلاک و باشقه 63 کیشی یره‌لنگن کیم هلاک بولگنلر آره‌سیده، بیر پولیس و 4 تینچ اهالی شامل و شونینگدیک یره‌لنگن کیشیلرنینگ کوپینچه‌سی تینچ اهالی دیر.
حادثه مسئولیتی نی طالبان گروهی بوینیگه آلگن.
طالبان سوزلاوچی‌لریدن بیری قاری محمدیوسف احمدی رسانه‌لرگه بیر پیام یوباریب ایتیشیچه، اوشبو گروه نینگ قطار جنگریلری قندهار خوفسیزلیک قومندانلیگی اوستیگه گروهی هجوم قیلگن کیم نتیجه‌ده قطار پولیس‌لر هلاک بولگن.
