قندهار ساغلیک ریاست مسئوللری نینگ ایتیش‌لریچه، رسمی معلومات اساسیده بو ولایتده، 680 باله قان سرطانی گه چلینگن و اولر حاضر مذکور ولایت نینگ «میرویس» کسلخانه‌سیده داروله‌نیش آستیده قرار تاپگن.
قندهار ولایتی کسلخانه‌سی نینگ باله‌لر بولیم مسئولی محمد صدیق نینگ سلام‌وطندارگه ایتیشیچه، اوشبو ولایت باله‌لریدن کوپینچه‌سی بو کسل‌لیک‌که چلینگنی نینگ احتمالی بار؛ بیراق رسمی رویخط گه آلینگنلر سانی 680 کیشی گه ییتیشگن.
اونگه کوره، حاضر مذکور کسل‌لرنینگ قانی اَلمشتیریلماقده. جناب صدیقی نینگ ایتیشیچه، بو باله‌لردن کوپینچه‌سی قشاق عایله‌لرگه تیگیشلی دیر و اولرنینگ 95 فایزی‌دن آرتیغی مجانی قان‌دن فایده‌لنه‌دی.
اونینگ کوپه‌یتیریشیچه، حاضرگچه مذکور باله‌لردن هیچ بیری بو کسل‌لیک باعث جان بیرمه‌گن.
قندهار ساغلیک ریاست مسئوللری گه کوره، اوشبو کسل‌لیک‌که چالینگن باله‌لردن کوپینچه‌سی 5 – 10 یاشر دیر.
او سلام‌وطندار بیلن صحبت اوتکزیب ایتیشیچه، بو کسل‌لردن کوپینچه‌سی نینگ قان گروهی قان بانکی گه موجود ایمس دیر و شو یوزه‌دن اولر اقارب‌لریدن قان آلیشه‌دی.
داکترلرنینگ ایتیش‌لریچه، قان سرطان کسل‌لیگی قان نینگ قیزیل گلوبول‌لری نینگ فعالیتی بوزیلیشی گه سبب بوله‌دی و بدن قان ایشلب چیقاریش گه کوچی ییتمه‌یدی، شو یوزه‌دن تعیین ایتیلگن زمان کسل گه قان اوتکزیلیشی کیره‌ک، بولمه‌گنده کسل نینگ جان بیریشی ممکن.
