قندهار ولایتی سوو ییتکزیش ریاستی مسؤول‌لری‌نینگ ایتیشیچه، سونگی ییل‌لرده شهر سووی 15 متر قویی توشگن و بو موضوع اوشبو ولایت یشاوچیلرینی صحی ایچیم‌لی سوو کم‌لیگی‌گه روپه‌ره قیلگن.
اولرنینگ ایتیشیچه، قندهار سوو ییتکزیش ریاستی، ولایت یشاوچیلری صحی ایچیم‌لی سووگه قول تاپیشی اوچون لوله ییتکزیش سیستمه‌نی رواجلنتیره‌دی.
قندهار سوو ییتکزیش ریاستی مسؤولی محمد کاکرنینگ سلام‌وطندارگه ایتیشیچه، اوشبو قیین‌چیلیک‌نی حل ایتیش اوچون بیرینچی‌دن لوی ویالی منطقه‌سی‌نینگ 9- ناحیه‌سیده 5 مینگ عایله‌گه سوو لوله‌سی ترقه‌تیله‌دی.
جناب کاکرگه کوره، صحی ایچیم‌لی سوو ترقه‌تیلگن صورتده، اهالی تورلی کسل‌لیک‌لرگه دوچار بولمه‌یدی و شونینگ‌دیک، ضایع بوله‌دیگن سوو آلدی آلینه‌دی.
قندهار یشاوچیلریدن بیرقطاری‌نینگ سلام‌وطندارگه ایتیشیچه، قطار زوره‌وانلر تامانیدن چقور قودوق‌لر قازیلگنی سبب، شهر سووی کونسایین قویی توشه‌دی.
بوندن آلدین، قندهار سوو ییتکزیش ریاستی‌نینگ مسؤول‌لری، سوو پولی قطار زوره‌وانلر و یشاوچیلر تامانیدن توللنمه‌سیدن شکایت قیلگن ایدیلر.
قندهار سوو ییتکزیش ریاستی مسؤول‌لری‌نینگ ایتیشیچه، قندهارنینگ دند و دامان تومن‌لریده مذکور قودوق‌لرنی قازیش ایشی دوام ایماقده و تیزلیک‌ده فایده‌لنیش‌گه تاپشیریله‌دی.
