سلام‌وطندارگه صحبت بیرگن قندهار پولیس قومندانلیگی مطبوعات مسؤولی مطیع‌الله هلال‌نینگ ایتیشیچه، قندهار ولایتی‌نینگ دامان تومنیده بیر دینی مدرسه اوستیگه اویوشتیریلگن خودکش هجوم‌ده 11 کیشی هلاک و 16 کیشی یره‌لنگن. جناب هلال گه کوره، اوشبو واقعه‌ده هلاک ایتیلگن‌لرنینگ برچه‌سی باله‌لر دیر.
هلال‌نینگ ایتیشیچه، خودکش هجومچی رومانیایی کوچلرنینگ کاروانی‌نی هدف قرار بیرگن و یره‌لنگن‌لر 5 رومانیالیک عسکر، 2 پولیس و 9 تینچ اهالی‌دن عبارت بولگن.
قندهار ساغلیق‌نی سقلش ریاستی باشلیغی داکتر عبدالقیوم‌نینگ ایتیشیچه، مذکور ولایت کسلخانه‌لریگه حاضرگه‌قدر 3 جسد و 8 یره‌دار انتقال بیریلگن و اولرنینگ برچه‌سی تینچ اهالی دیر.
اوشبو واقعه مسؤولیتی‌نی حاضرگچه کیم‌سه بوینیگه آلمه‌گن.
