.jpg)
قندهارنینگ شاه‌ولی‌کوت تومنی‌ده طالب‌لر گروگه آلگن 70 کیشی‌دن 7 ته‌سینی حکومت‌گه همکارلیک قیلیش‌گه عیب‌لب آتیب اولدیرگن.
قندهار پولیس قومندانلیگی سوزلاوچیسی ضیاء درانی‌نینگ سلام‌وطندارگه ایتیشیچه، مذکور کیشی‌لر ایکی کون آلدین شاه‌ولی‌کوت تومنی‌نینگ چنار منطقه‌سیده طالب‌لر تامانیدن قولگه آلینگن‌لر.
اونگه کوره، تیکشیروولر نتیجه‌سیگه کوره، طالب‌لر بو کیشی‌لردن 33 ته‌سینی قوییب یوبارگن، 7 ته‌سینی آتیب اولدیرگن و قالگنینی سقله‌گن‌لر.
درانی نینگ ایتیشیچه، مذکور کیشی‌لر آزاد ایتیلیشی اوچون امنیتی کوچلر سعی و حرکت قیلماقده و بو کوچلر اهالی‌نی قوتقریش اوچون هیچ قنده‌ی سعی و حرکت‌دن وازکیچمه‌یدیلر.
گروگه آلینگن کیشی‌لرنینگ آره‌سیده یاشلر و کیکسه‌لر هم کورینه‌دی.
بیراق، ارزگان ولایت کینگشی سابق اورین باسری محمد پوپل‌نینگ سلام‌وطندارگه ایتیشیچه، ایکی کون آلدین، چنار منطقه‌سیده قوراللی طالب‌لر 300 دن آرتیق کیشی‌نی اویلریدن چیقارگن و بو جمله‌دن 50 دن آرتیق کیشی‌نی دولت‌گه همکارلیک قیلیش‌گه عیب‌لب آتیب اولدیرگن.
جناب پوپل‌گه کوره، حاضر مذکور تومن‌نینگ یولی توسیلگن و اهالی یمان وضعیت‌ده حیات کیچیره‌دی.
بو موضوع توغریسیده قوراللی طالب‌لرنینگ فکرینی اورگه‌نیش اوچون علاقه قوردیک، بیراق کیین مه کیین علاقه بیلن مؤفق بولمه‌دیک.
