د قطر په پلازمېنه دوحه کې د امریکا او طالب استازیو ترمنځ د افغان سولې په اړه پنځم پړاو خبرې نن پنځلسمې ورځې ته ورسېدې.
که څه هم په رسمي توګه د دې غونډې جزیات نهدي خپاره شوي، خو طالبانو ته یوه نږدې سرچینه وايي، د دواړو خواوو ترمنځ د سولې خبرې په جزیاتو روانې دي او دواړه لوري هڅه کوي چې د سولې په هوکړهلیک کې هېڅ ډول ابهام پاتې نهشي.
د سرچینې په وینا، د امریکا او طالب استازیو ترمنځ د روانو خبرو اترو پر مهال په اصولو کې له افغانستانه د بهرنیو ځواکونو پر وتلو او دا چې افغانستان به د ترهګرو پر ځالې نه بدلېږي، هوکړه شوې ده.
د سرچینې په وینا، دواړو لوریو د افغان دولت او امریکا ترمنځ د امنیتي تړون ترڅنګ، د افغان حکومت او طالبانو پر اوربندې هم خبرې کړې دي.
طالبانو ته نږدې سرچینې وايي، له طالبانو سره د امریکايي استازیو د تېرې ورځې ناسته د شپې تر نهو بجو غځېدلي او د سولې خبرو اترو په ځای کې د قطر لوړپوړي چارواکي هم لیدل شوي چې له طالبانو سره یې خبرې کولې.
په همدې حال کې دوحې ته تللي یو شمېر خبریالان وايي، ټاکل شوې د طالبانو او امریکایانو ترمنځ د سولې خبرې اترې نن پای ته ورسېږي او په نږدې راتلونکي کې بیا له سره پیل شي.
اړوند مطالب:
د قطر په غونډه کې په جزیاتو بحث روان دی
د قطر غونډه ښايي دوه ورځې نوره هم وغځېږي
خلیلزاد: د قطر درې ورځنۍ غونډه ګټوره وه
په قطر کې د سولې غونډه دوې ورځې وځنډېده
خبریالان د دوحې په غونډه کې د حاضرو سرچینو له قوله وايي، تر اوسه د روان پړاو په خبرو اترو کې پرمختګ نهدی شوی.
د امریکا او طالب استازیو ترمنځ د سولې خبرې په داسې حال کې روانې دي چې ولسمشر محمداشرف غني او اجرایوي رییس عبدالله عبدالله په یادو خبرو کې د نه وضاحت په اړه اندېښنه څرګنده کړې ده.
