سلام‌وطندارگه صحبت بیرگن غور ولایتی‌نینگ لعل‌وسرجنگل تومنی‌نی تلخک قیشلاغی یشاوچیلریدن بیرقطاری‌نینگ ایتیشیچه، مذکور ولایت بوییچه قیزیل آی جمعیتی نیچه ییل آلدین تلخک قیشلاغی‌ده بیر ساغلیک مرکز توزه‌تکن؛ بیراق، نماینده‌لر کینگشی‌ده غور ولایتی‌نینگ نماینده‌لریدن بیری رقیه نایل، بیر ییل آلدین مذکور کسلخانه‌نی باغله‌گن.
غور ولایتی‌نینگ لعل‌وسرجنگل تومنی‌نی تلخک قیشلاغی یشاوچیلری‌نینگ ایتیشیچه، بو مرکز یالغیز رقیه نایل و باشقه زوروانلرنینگ قوم و قرینداشلریگه خذمت قیله‌دی و باشقه‌لر ایسه بو خذمت‌لردن محروم قالگن.
اولرگه کوره، اوشبو ساغلیق‌نی سقلش مرکز، نماینده‌لر کینگشی‌ده‌گی بو نماینده‌نینگ یقین‌لری ایش‌گه آلینمه‌گنی باعث، باغلنگن.
اولرنینگ ایتیشیچه، مذکور ساغلیق‌نی سقلش مرکز باغلنگنی باعث، اهالی ساغلیک خذمت‌لریدن محروم بولگن‌لر و اهالی کوپینچه قیین‌چیلیک‌لرگه دوچ کیلیب کسل‌لرینی دارولش اوچون فیروزکوه شهری یا-ده قوشنی ولایت‌لرگه انتقال بیره‌دیلر.
غور یشاوچیلری‌نینگ کوپه‌یتیریشیچه، بو موضوع نی نیچه مرته ولایتی کینگش اعضالری و مذکور ولایت محلی اداره‌سی‌نینگ مسؤوللری بیلن شریک قیلگن‌لر؛ بیراق حاضرگه‌قدر ساغلیق‌نی سقلش مرکز آچیلیشی توغریسیده هیچ بیر ایش قیلینمه‌گن.
غور یشاوچیلری‌نینگ ایتیشیچه، اوشبو کسلخانه باغله‌نیشی 1000 دن آرتیق عایله ساغلیک خذمت‌لریدن محروم قالیشی گه سبب بولگن.
اولرگه کوره، حکومت بو قیین‌چیلیک برطرف ایتیلیشی و اوشبو ساغلیق‌نی سقلش مرکز قیته‌دن آچیلیشی توغریسیده چاره و تدبیر کورمه‌گن صورتده، اولر ناراضیلیک‌که قول اوروشلری ممکن.
شو توغریده…
شونینگدیک، اوشبو موضوع نی تصدیق‌لگن غور ولایت کینگشی اعضاسی گلثوم رضایی‌نینگ ایتیشیچه، مذکور ساغلیق‌نی سقلش مرکز باغلنگنی باعث، اهالی قیین‌چیلیک‌لری کوپه‌یگن و شونینگدیک، اولر محل اهالیسی بیلن بیرگه‌لیک‌ده مذکور ساغلیق‌نی سقلش مرکزنینگ قیته‌دن آچیش اوچون سعی و حرکت قیله‌دیلر.
بو توغریده نماینده‌لر کینگشی‌ده غور اهالیسی‌نی نماینده‌سی رقیه نایل‌نینگ فکرینی اورگنماق اوچون علاقه قوردیک؛ بیراق تکراری قونغیراقلر نتیجه‌سیده مؤفق بولمه‌دیک.
عین حالده، غور ولایتی بوییچه قیزیل آی جمعیتی‌نی باشلیغی صبغت‌الله ابراهیمی‌نینگ ایتیشیچه، مذکور مرکز تورت ییل‌دن بویان مرکزی رسمی‌لرنینگ قراری اساسیده، باغلنگن و ایشلاوچی‌لری سیار تیم‌لرگه اوزگرگن.
