مدنی فعال‌لرگه کوره، مملکت قاچقین‌لری حکومت رهبرلری‌نینگ سیاسی نیت‌لری قربانی بولگن‌لر. مذکور فعال‌لر همده انسان حق و حقوق فعاللری بوگون (پنج‌شبنه) کابلده بیر ییغین اوتکزیب، مملکت اهالی‌سی ایکی ییلدن بیری نابرقرارلیک‌لر آشگنی باعث قربان‌لیک بیره‌دیلر دیگن‌لر.
ییغین‌ده اشتراک قیلگن انتقالی عدالت گروهی‌نینگ اعضاسی عبدالبصیر فیضی‌گه کوره، مذکور ییغین‌ده افغانستان‌نینگ بیشینچی ولایتی بولمیش (قندوز) طالب‌لر اشغالی‌گه اوتیشی مملکت‌ده خطر اوچ آلگنی‌نی کورسته‌دی. شونینگ‌دیک جناب فیضی مملکت اهالی‌سی‌نینگ اورپا دولت‌لریگه قاچیشی حکومتنی امنیت‌نی تامین قله آلمس‌لیگی‌دن کلیب چیقه‌دی دیگن. فیضی، افغانستان حکومتی ضعف نکته‌لرینی یاشیریش اوچون مهاجرلرنی آلمان موافقه‌سی اساسیده مملکت‌گه قیریش اوچون حرکت قیله‌دی دیب تیلگه آلگن.
قشاقلیک، نا برقرارلیک و ایش‌سیزلیک میزانی آشیشی افغاستانلیک یاشلرنی جاری ییلده مملکت‌نی ترک ایتیش اوچون بیرینی دلیل بولگنی ایتیله‌دی. ایتیلیشیچه، مملکت اهالی‌سی‌نینگ کته قسمی اورپا وغرب مملکت‌لریگه مهاجر بولگن.
اوتگن هفته آلمان ایچکی ایشلر وزیری توماش دیمیزیز، افغانستانلیک مهاجرلرنینگ کته قسمی مملکت‌لریگه قیتیریلیشی‌نی مملکن دیگن ایدی. عین حادلده جمهور رییس بوندن نیچه کون آلدین آلمانگه بارگن قاچقین‌لری قیته مملکت‌گه آلیب کیلینیشی‌نی اعلان قیلگن ایدی.
مدنی فعال‌لردن بیری عبدالله احمدیگه کوره، خلق ارا اصول‌لرگه کوره هنوز هم افغانستان نا برقرار مملکت‌لردن سنله‌دی. احمدی سیاسی بی‌ثباتلیک، نابرقرارلیک‌لر آشیشی، قشاقلیک، ایش‌سیزلیک و ترورچی گروه‌لر کوپه‌یشی مملکت یاشلرینی اورپا دولت‌لریگه باش پنه ایزله‌گن لیکلری اوچون بیرینچی عامل دیگن.
اما، افغانستان جمهور رییسی سوزلاوچی‌سی‌نینگ اورین باسری سیدظفر هاشمی، حکومت آلمان دولتینی قانیقتیریش اوچون سعی وحرکت قیله‌دی دیگن. شونینگ‌دیک آلمان افغانستانلیک مهاجرلر چیقاریلیشی اوچون اوز قراریده ثابت قالگن حالده، حکومت مهاجرلرنی مملکت‌گه آلیب کیلیش‌گه مجبور دیر.
قاچقین‌لر چیقاریلیشی اوچون افغانستان دولتی اوز قرارینی قیته کوریشی، مملکت مهاجرلری آلمان دولتی تاماندن قبول ایتیلشی، بیرلشگن ملت لر تشکیلاتی نینگ مهاجرلر بوییچه اداری مساله‌سی تامانیدن قاچقین‌لر حقوقی تضمین ایتیلیشی افغانستانلیک مدنی جماعه چیلیک فعال‌لری‌نینگ رسمیلریده سوره‌گن موضوع‌لری حسابلنه‌دی.
