.jpg)
2015 و 2016 ییللرده افغانستانلیکلردن کوپچی‌لیک یخشی حیات کیچیریش نیتیده اروپاگه قره‌ب جونه‌دیلر. بو قاچقینلردن کوپیسی خانه‌دانینی آلیب جونه گندی، اوزلرینی قوشنی مملکت‌لر چیگره‌سیدن اوتکزیب تورکیه گه ایتکزدیلر. بو قاچقینلر دینگیزدن اوتیب آلمانگه باریش امیدیده ایدیلر.
ناتینچ‌لیک، ایش سیزلیک و باله‌لری کیله‌جگی یمان بولیش تشویشلری، خانه‌دانلرنی برچه یول عذابینی قبول قیلیشگه تورتکی بیرگندی.
دریاده آقیب کیتیش تشویشی، باره‌دیگن مملکتلری چیگره‌سی قاچقینلر یوزیگه یاپیلیشی و همه سیدن یمانی دولت‌لر و قاچاقچیلرنی بولردن سوءاستفاده قیلیش تهدیدلری طبیعی کورینردی.
فریده اونلرچه قاچقینلردن بیری رویالریگه ایتیش اوچون سفرگه بیل باغله‌گن.
او مهاجرت تهدیدلریدن خبر ایدی، خانه‌دانی بیلن بیرگه جونه‌یدی. فریده نینگ عایله اعضاسی ایاغگه یوریب تورکیه باره‌دیلر. بوسفرده فریده نینگ بیش سینگلی، بیر ایناغه‌سی، آنه‌سی و آته‌سی اوبیلن بیرگه کیتگنلر.
اونینگ ایتیشیچه، یول عذابی بیرتاماندن و قاچاقچیلرنی شفقت سیزلیگی باشقه تاماندن، او و عایله‌سینی بیزاوته قیلگن یول نینگ یریمیده کیلیشدن پشیمان بولگنلر. فریده گه کوره، یول آقیمیده قاچاقچیلر عیاللرنینگ عزتی بیلن اوینیدیلر و اولرنی یمان کوزبیلن کوره‌دی.
.jpg)
تورکیه ده‌گی مهاجر عیاللر، قنده‌ی قاچقینلر اولرگه جنسی زورله‌گن ویا اولر آلمانگه اوتیب باریش اوچون قنده‌ی قاچقینلرگه تن بیریشگه مجبور بولگنلری باره‌سیده فریده‌گه حکایه قیلگنلر.
نیچه پیت آلدین هم عیاللر شبکه‌سی اعضالریدن بیری سلام‌وطندارگه اروپاگه جونه‌گن عیاللر گروهی شکلیده جنسی زورلنه‌دی دیب ادعا قیلگن ایدی.
عایله اعضاسی و دوستلریدن 1300 دالر قرض آلیب اوزینی تورکیه گه ایتکزیگن 19 یاشر وحید، اروپاگه اوتیش یوللر یاپیلگن‌لیگی اوچون بیرمدت تورکیه ده قالیشگه مجبور بوله‌دی.
اونینگ ایتیشیچه، قاچاقچیلر اونگه تورلی وعده‌لر بیریب قولیده‌گی پول بیلن آلمانگه ایته سن دیگن ایکنلر. بیراق تورکیه گه باریشی بیلن قاچاقچیلر اونگه چیگره یاپیقلیگینی ایتیگن.
وحید اروپا کیتیش خرجتینی تاپیش اوچون تورکیه‌ده بیر کاووش ایشلب چیقاره دیگن فابریکه ده ایشگه اوتیشگه مجبور بوله‌دی. بیراق ایش خانه اوسکونلری بیلن یخشی تانیش بولمه‌گنلیگی سبب، تورت برماغینی دستگاه کیسیب تشلیدی.
حاضر وحید اولکه سیگه قیتگن، ایتیشیچه، یول عذابلریدن خبر ایکن و قاچاقچیلرنی شفقت سیزلیک لرینی هم بیلرکن. اما خانه دانی اقتصادی وضعیتده‌لیگینی سیزیب کیتگن ایکن.
او باشقه ییگیتلردن ایسته‌یدی ناقانونی مهاجرت قیلیش فکرینی باشلریدن چیقاریب و اروپاگه آلیب کیته من دیگن قاچاقچیلرگه ایشانمه سینلر.
.jpg)
قاچقینلر وزیرلیگی نینگ مطبوعات بولیمی باشلیغی حفیظ میاخیل نینگ سلام‌وطندارگه، وزیرلیکنی تورکیه ده‌گی قاچقینلر قیینچی‌لیکلریگه ایتیش اوچون انیق بیر اداره‌سی یوق و قاچقینلر ایشلریگه ایتیش اوچون افغانستاننی تورکیه ده‌گی ایلچی خانه‌سیده نماینده‌لری بارلیگی‌نی تیلگه آله‌دی.
جناب میاخیل، ناقانونی مهاجرت قیلگنلرگه قاچاقچیلر تامانیدن سوءاستفاده بولیش، جنسی بیزاوته قیلینیش و شفقت سیزلیکلرنی ناقانونی مهاجرتلردن کیلیب چیقه‌دی دیب بیله‌دی.
2015 ده 250 مینگ کیشی افغانستاندن اروپا مملکتلریگه باش پناه ایزلب کیتگندیلر، بیراق 2016- ییلده مهاجرتلر سانی 190 مینگ کیشی‌گه کمیدی. جناب میاخیل اروپا مملکتلریگه مهاجرت قیلیش سانی آزه یگن دلیلی نی اروپا مملکتلری و افغانستان حکومتی بیلن و آلمان دولتی اورته‌سیده شرطنامه گه قول قویلیش دیب بیله‌دی.
خلق ارا قاچقینلر تشکلیاتی نینگ تدقیقاتیگه کوره، 2016-ییلده ناقانونی مملکتلرینی ترک قیلگنلردن 70 فایزی ایریم قیینچی‌لیکلر جمله‌دن جنسی زورلش، بیگاری آلیش، تن بیریش، تحقیر بولیش و شونگه اوخشه گن یمان ایشلر بیلن روپه‌ره بولگنلر.
