عدلیه وزیرلیگی رسمی‌لری‌نینگ ایتیشیچه، اوتگن ییل‌لرگه نسبَتَن قانون‌گه قرشی عمل قیلگن باله‌لر رقمی 20% کمه‌یگن.
بوگون «سه‌شنبه» کابل‌ده خبری بیر ییغین اوتکزگن عدلیه وزیری عبدالبصیر انورنینگ ایتیشیچه، 1393- ییل‌دن بویان عدلیه وزیرلیگی‌نینگ باله‌لرنی تربیه‌لش و اصلاح قیلیش مرکزیده 10 مینگ و 699 باله تربیه‌لنگن. جناب بصیرگه کوره، جاری ییل‌ده چمه‌سی 784 باله اوشبو مرکزده تربیه‌لنگن و قانون‌گه قرشی عمل قیلگن باله‌لردن کوپینچه‌سی 16 و 17 یاشلرده دیر. اونینگ ایتیشیچه، عدلیه وزیرلیگی‌نینگ باله‌لرنی تربیه‌لش و اصلاح قیلیش مرکزیده ساغلیق‌نی سقلش، مدنیت و معلومات و اورگه‌تیش و تربیه‌لش وزیرلیک‌لری‌نینگ همکارلیک‌لریده ساغلیک، اورگه‌تیش و تربیه‌لش خذمت‌لری پول‌سیز شکلده ارایه ایتیله‌دی.
عدلیه وزیری‌نینگ کوپه‌یتیریشیچه، باله‌لرنی تربیه‌لش و اصلاح قیلیش مرکزلری اوچون حاضرگه‌قدر کابل، هرات، فراه، هلمند، سمنگان، خوست، بلخ، ننگرهار، قندهار و میدان وردک ولایت‌لریده 10 دولتی بِنا قوریلگن و تیزلیک‌ده باشقه 3 مرکز بامیان، پکتیا و بدخشان ولایت‌لریده قوریلیشی ممکن.
عدلیه وزیرلیگی تامانیدن بیریلگن رقم گه کوره، حاضر مملکت‌ده باله‌لرنی تربیه‌لش و اصلاح قیلیش مرکزیده قانون‌گه قرشی عمل قیلگن 784 باله موجود و بو جمله‌دن 80 ته‌سی قیز و باشقه 704 ته‌سی اوغیل باله دیر.
