افغانستان بوییچه ایرکین و عدالت‌لی سیلاو قوریلمه‌سی یا-ده «فیفا»، سیلاو و تینچلیک جریانی آره‌سیده اولویت بندلیک بولمه‌گنی خصوصیده، خواطر بیلدیرگن.
فیفا اجراییه باشلیغی یوسف رشیدنینگ سلام‌وطندارگه ایتیشیچه، سیلاو و تینچلیک سوزلشوولری آره‌سیده اولویت بندلیک بولیشی اوچون مشخص بیر استراتیژی ایجاد ایتیلیشی کیره‌ک.
جناب رشید، جمهورلیک ریاست سیلاوی یولگه قوییلیشی دن آلدین تینچلیک کیلیشوو احتمالی نی عملی بیلمه‌یدی.
فیفا اجراییه باشلیغی، سیلاو و تینچلیک جریانی آره‌سیده اولویت بندلیک بولیشی اوستیگه تأکید قیلیشیدن آلدین، قطرده طالبان گروهی نینگ نماینده‌لریدن بیری شیرمحمد عباس استانکزی نینگ جاپانی‌لیک بیر میدیاگه ایتیشیچه، چیت‌ایللیک کوچلری افغانستانده بولگنده، هرقنده‌ی سیلاو یولگه قوییلیشی طالبان اوچون قبول قیلینمس دیر.
عینحالده، عباس استانکزی نینگ صحبت‌لرینی مبالغه دیگن سیاسی ایش بیلرمان محب‌الله شریف نینگ ایتیشیچه، خلق ارا جماعه‌سی و افغانستان حکومتی بیرینچیدن تینچلیک کیلیشووی عمل‌گه آشیریلیب و اوندن سونگ سیلاو یولگه قوییلیشی خصوصیده، سعی و حرکت قیله‌دی؛ بیراق تینچلیک تامین ایتیلمه‌گنده هم، سیلاو یولگه قوییلیشی حتمی دیر.
سیاسی ایش بیلرمانلردن باشقه بیری اکبرجان فولاد گه کوره، سیلاو یولگه قوییلیشی افغانستان اهالیسی اوچون بیرینچی یول دیر و طالبان نماینده‌لری نینگ صحبت‌لری پاکستان دستوری اساسیده مطرح ایتیلگن.
اونینگ ایتیشیچه، سیلاو یولگه قوییلمه‌گن صورتده، نجیب‌الله نینگ حکومتی تکرار ایتیله‌دی و بو پاکستان ایستک‌لریدن دیر.
واشنگتن جمهورلیک ریاستی سیلاوی یولگه قوییلمسدن آلدین تینچلیک کیلیشوو صورت تاپیشی‌دن امیداورلیک بیلدیرگن بیرچاغده، بو صحبت‌لر مطرح ایتیله‌دی.
سیلاولر ایرکین کمیسیونی نینگ اعلان قیلیشیچه، جمهورلیک ریاستی سیلاوی یولگه قوییلیشی خصوصیده تیارگرلیکلر آلینگن و بو سیلاو 6 میزانده یولگه قوییله‌دی.
