افغانستان بوییچه ایرکین و عدالت‌لی سیلاو مؤسسه‌سی یا-ده فیفا مسؤوللری، بوگون کابل‌ده خبری بیر ییغین اوتکزیب سیلاولر یولگه قوییلیشی خصوصیده سیلاولر ایرکین کمیسیونی نینگ سونگی قراری گه عکس‌العمل بیلدیریب ایتیشیچه، بو کمیسیون مدیریت‌سیزلیک و اویغونسیزلیک‌که روپه‌ره بولگن.
سیلاولر ایرکین کمیسیونی سونگی قراریده اعلان قیلیشیچه، 6- میزان ده یالغیز جمهورلیک ریاستی سیلاوی یولگه قوییله‌دی و غزنی ولایتی نینگ نماینده‌لر کینگشی و ولایتی کینگش‌لر سیلاولری یولگه قوییلیشی توغریسیده کیین قرار آلینه‌دی.
فیفا باشلیغی یوسف رشید، سیلاولر ایرکین کمیسیونی نینگ بو قراریگه اشاره قیلیب ایتیشیچه، کمیسیون بو کوچسیزلیک‌لرنی یانیده هردایم آرقه گه چیکینیب و قانونی طلب‌لر، سوزلر و عملی برنامه‌لریده دواملی اویغونسیزلیک‌لرگه روپه‌ره بولیب تورگن.
جناب رشیدگه کوره، سیلاولر کمیسیونی عملیاتی برنامه‌لری اینیقسه آواز بیرووچی‌لرنینگ رویخط‌گه آلیش و سیلاو زمانی جدولی‌نی وقتی‌ده شریک قیلیش گه مؤفق بوله آلمه‌گن.
فیفا باشلیغی، سیلاولر کمیسیونی نینگ قرار آلیش‌ده کوچسیزلیک‌که عیب‌لب ایتیشیچه، سیلاولر ایرکین کمیسیونی نیچه کوندن آلدین غزنی ولایتی نینگ نماینده‌لر کینگشی و ولایتی کینگش‌لر سیلاولری یولگه قوییلیش زمانی آرتده قالدیریلیش ریجه‌سیگه قرشی‌لیک بیلدیرگن ایدی، بیراق ایرکین‌سیزلیگی باعث، بو ریجه گه موافقت بیلدیرگن.
سیلاولر ایرکین کمیسیونی نینگ ایکی کون آلدین اعلان قیلیشیچه، بودجه ییترلی بولمه‌گنی و زمان آزلیگی باعث، بو کمیسیون اوچ سیلاونی بیردن یولگه قوییش گه قادر ایمس دیر و 6- میزان ده یالغیز جمهورلیک ریاستی سیلاوی یولگه قوییلیشی‌نی ایتگن.
