.jpg)
غور ولایتی‌نی شهردارلیک مسؤوللری‌نینگ ایتیشیچه، مذکور ولایت اهالیسی شهر کینگه‌ییشی و قولی‌لیک ایجاد ایتیلیشی اوچون 12 مینگ جریب‌دن آرتیق شخصی ییرلرینی دولت اختیاریده قوییب ینگی شهر ایجاد ایتیلیشی‌نی ایسته‌گن‌لر.
سلام‌وطندارگه صحبت بیرگن غور شهرداری محمدعارف قاضی‌زاده نینگ ایتیشیچه، جمعیت حددن تشقری کوپه‌یگنی، ناتینچلیک میزانی آشگنی و قورغاقچیلیک باعث، غور اهالیسی‌دن کوپینچه‌سی ولایت مرکزیده جایلشگن‌لریدن سونگ، فیروزکوه ده ینگی شهر ایجاد ایتیلش ریجه‌نی تیار قیلگن‌لر.
جناب قاضی‌زاده گه کوره، فیروزکوه نینگ ینگی شهرینی ایشی کیله‌جک کوکلم موسومی‌ده باشلنه‌دی و کونده‌لیک معیارلر اساسیده، فیروزکوه نینگ حاضرگی شهرینی 10 کیلومترلیگی حوض مرغان منطقه‌سیده قوریله‌دی.
شونینگدیک، غور ولایتی‌نی شهر قوریش اداره‌سی‌نینگ باشلیغی خیرالدین رامش، فیروزکوه ده ینگی شهر ایجاد ایتیلیشی‌نی ایجابی بیر آدیم بیلیب ایتیشیچه، اوشبو شهر قوریلگنده، مذکور ولایت اهالیسی‌نینگ شهری قیین‌چیلیک‌لریدن 90% حل ایتیله‌دی.
غور مدنی فعاللری هم محلی مسؤوللرنینگ بو ایشی‌نی خوش قرشی‌لب ایتیشیچه، فیروزکوه ده ینگی شهر ایجاد ایتیلگنده بیر تاماندن غور اهالیسی اوچون ایش‌گه زمینه یره‌تیله‌دی و باشقه بیر تاماندن اهالی اقتصادی و شهردارلیک درآمدی اوستیگه ایجابی تأثیر قویه‌دی.
غور محلی مسؤوللری تامانیدن بیریلگن رقم اساسیده، فیروزکوه نینگ حاضرگی شهری و 2 مینگ و 500 جریب ییردن کم منطقه‌ده 50 مینگ‌دن آرتیق عایله قیین شرایط‌ده حیات کیچیره‌دیلر.
