.jpg)
بوگون «سه‌شنبه» کابل‌ده خبری بیر ییغینده نطق سوزله‌گن ساغلیق‌نی سقلش وزیری فیروزالدین فیروزنینگ ایتیشیچه، اوقووچی قیزلر اوچون ترقه‌تیله‌دیگن تیمیر داروسی (فولید اسید) نینگ هیچ قنده‌ی ضرری یوق دیر.
تیمیر داروسی (فولیک اسید) ترقه‌تیش برنامهسی بیر دهه دن آرتیق معارف و ساغلیق‌نی سقلش وزیرلیک‌لری‌نینگ مسؤوللری تامانیدن 10 دن 19 یاشی گچه بولگن قیزلر اوچون یولگه قوییلگن.
اوشبو ییغینده ساغلیق‌نی سقلش وزیری فیروزالدین فیروزنینگ ایتیشیچه، اوشبو دارولر ذهن کوچله‌نیشی اوچون اساسی رول اوینه‌یدی.
جناب فیروزگه کوره، قطار کیشی‌لر اهالی فکرلرینی چلغیتیب اوقووچی قیزلر فولیک اسید داروسی‌دن فایده‌لنیش‌گه توسیق بوله‌دیلر.
ساغلیق‌نی سقلش وزیری‌نینگ کوپه‌یتیریشیچه، اوشبو دارولر کیله‌جک‌ده قیزلر اینیقسه حامله‌لیک دورانی‌ده قان‌سیزلیک‌که دوچار بولمه‌سیگه سبب بوله‌دی.
معارف وزیرلیگی‌نی سرپرستی میرویس بلخی‌نینگ ایتیشیچه، اوقووچیلر ساغلیق نقطه‌ای نظریدن ترقی قیلمه‌گن صورتده، اولرنینگ وضعیتی یخشی‌لنیشی اوچون معارف وزیرلیگی‌نینگ سعی و حرکت‌لری نتیجه بیرمه‌یدی. جناب بلخی گه کوره، اوقووچیلردن بیرقطاری، ایریم کسل‌لیک‌لر باعث، مکتب گه حاضر بوله آلمه‌یدیلر و بو موضوع معارف وزیرلیگی و اوقووچی‌نینگ عایله‌سینی قیین‌چیلیک‌که دوچ قیله‌دی.
.jpg)
ولایت‌لرده بولگن معارف باشلیغ‌لریدن بیرقطاری، مکتب‌لرده فولیک اسید داروسی‌نی ترقه‌تیش برنامهسی یخشی بیر شکلده عمل‌گه آشیریلگنیدن خبر بیریب ایتیشیچه، اوشبو برنامه یالغیز قطار ناتینچ تومن‌لرده عملی بولمه‌گن.
دایکندی ولایتی‌نینگ معارف ریاستی‌نی باشلیغی رحمت‌الله سیرت نینگ ایتیشیچه، اوتگن ییل، مذکور ولایتده 1900 اوقیتووچی فولیک اسید داروسی‌نی ترقه‌تیش اوچون تعلیم کورگن و مذکور دارو ترقه‌تیلیشی‌گه هیچ بیر قیین‌چیلیک یوق دیر. بیراق، خوست ولایتی‌نینگ معارف ریاستی باشلیغی نصیراحمد روشان‌نینگ ایتیشیچه، اوشبو برنامه تطبیق ایتیلیشی قطار ناتینچ تومن‌لرده قیین‌چیلیک‌که دوچ کیلگن.
میلادی 2013- ییل‌ده معارف وزیرلیگی تامانیدن اوتکزیلگن تدقیقات اساسیده، مملکت‌ده هر 3 باله‌دن بیر باله قان کم‌لیگی‌گه چالینگن. شونینگدیک، آنه‌لردن 40% و 10 دن 19 یاشیده بولگن قیزلردن 30% اوشبو کسل‌لیک‌که دوچار بولگن‌لر.
معارف وزیرلیگی مسؤوللری‌نینگ ایتیشیچه، اوشبو وزیرلیک میلادی 2016- و 2017- ییل‌لریده ولایت‌لرده 12 مینگ‌دن آرتیق اوقیتووچی، مکتب‌لرنینگ کینگش‌لرینی اعضالری و ساغلیق‌نی سقلش مدیرلریگه فولیک اسید داروسی ترقه‌تیلیب و تطبیق ایتیلیشی توغریسیده تعلیمات بیرگن.
