.jpg)
بوگون (دوشنبه 10- حوت) افغانستان فوتبال فدراسیونی‌نینگ فنی اورین باسری محمد‌یوسف کارگر کابل‌ده‌گی بعضی فوتبال تیملرینی یقین‌دن کوزتگن. کارگر، بو فوتبالچی‌‌لریدن تنلنگن تیملرینی فدراسیون‌ده رویخط‌گه آلدیریش‌لرینی سوره‌گن. کارگرگه کوره، تنلنگن تیملر فوتبال فدراسیونی‌نینگ معیاری میداننی‌ده مشق قیله آله‌دی.
مملکت فوتبال فدراسیونی تامانیدن نشر ایتیلگن خبرنامه‌ده، اوشبو اوچره‌شوولرده جناب کرگرنی ملی تیم‌لرنینگ عمومی مدیری محمدفرید مولایی، کابل فوتبال فدراسیون باشلیغی عبدالصبور ولی زاده و بو فدراسیون‌نینگ یاشلر کمیته مسوولی خالد دلاورلر یولداش‌لیک قیلگن.
خبرنامه ده یازیلیشیچه، اوچره‌شوولرده مملکت فوتبال فدراسیون بلند مرتبه‌لی رسمیلری بت‌خاک اردوگاه ارزان قیمت، بگرامی و کابل کارته نو منطقه‌لریده‌گی فوتبالچ‌لرگه توپ کومک قیلگن‌لر. بو تیملر پیشیق توپراقلی ییرلرده مشق قیله‌دیلر.
بت خاک مهاجرلر کمپ‌یده‌گی یاشلر آلتی تیم تشکیل قیلگن‌لر. بو تیملرگه افغانستان فوتبال فدراسیون مربی‌لریدن بیری مایاکارگر تامانیدن تمرین بیریله‌دی.
افغانستان فوتبال تیمی فنی اورین باسری، اهالی و مربی‌لریگه منتدارلیک بیلدیریب، آز امکانیت‌لر بیلن کابل‌نینگ بونده‌ی اوازق حدودیده فوتبال تیملرینی ایجاد ایتگن‌لیکلریدن خرسندلیک بیلدیرگن. شونینگ‌دیک جناب کارگر، مذکور تیملرگه، فوتبال فدراسیونی قول‌دن کیلگن همکارلیک‌لرنی قیلیشی باره‌سیده وعده بیرگن.
