مملکت باش قاره‌لاوچیلیگی بیر خبرنامه‌ده فوتبالچی عیاللرنینگ جنسی زورلش دوسیه‌سی محکمه گه یوباریلگنیدن خبر بیرگن.
باش قاره‌لاوچیلیک خبرنامه‌سیده کیلیشیچه، فوتبالچی عیاللرنینگ جنسی زورلش دوسیه‌سی 20 سرطان ده عیاللرگه قرشی زوروانلیک‌لرگه قرشی کوره‌ش محکمه گه یوباریلگن.
خبرنامه‌ده کیریتیلگن معلومات اساسیده، بو دوسیه ده جنسی تجاوز، جنسی زورلش، وظیفه‌یی صلاحیت‌دن سوءاستعمال قیلیش و جنایت نی یاشیریش عیب‌لاولری عیب‌لنگن‌لرگه کیریتیلگن.
باش قاره‌لاوچیلیک اداره‌سی مملکت فوتبال فدراسیونی نینگ اعضالری اوچون دوسیه تشکیل قیلیشیدن آلدین، اوتگن ییل قوس آیی‌ده گاردین کونده‌لیگی افغانستان بوییچه فوتبالچی عیاللر تیمی ده بولگن بیر منبع دن نقل قیلیب، فوتبال فدراسیونی نینگ ایرکک اعضالریدن بیرقطاری، مذکور تیم نینگ عیال اویینچی‌لرینی جنسی زورلگنیدن گزارش بیرگن ایدی.
گاردین کونده‌لیگی تامانیدن گزارش بیریلگنیدن سونگ، مملکت باش قاره‌لاوچیلیگی فوتبال فدراسیونی نینگ سابق باشلیغی، سکرتر جنرالی، گولچی‌لر کمیته‌سی مسؤولی، ولایت‌لرنی باغلش مسؤولی و مذکور فدراسیون باشلیغی سکرتری نینگ وظیفه‌لرینی توخته‌تیب و اولرنینگ ممنوع‌الخروج اعلان قیلدی.
