.jpg)
بوندن نیچه آی آلدین تشقی مملکت‌لر حربیلری اوچون اختصاص‌لشتیریلگن محل بوگون مخدر ماده‌لرگه بیریلگنلرنی درمانلش مرکزیگه ایلنگن. فنیکس کابل غربی‌ده ناتو کوچلری‌نینگ ییریک حربی قرارگاهی سنلردی، بو حربی مرکز نیچه وقت آلدین جمهور رییس بویروغی اساسی‌ده مخدر ماده‌لرگه بیریلگنلر درمانلش مرکزیگه اوزگردی.
بو مرکز امنیتی یوقاری دیوارلر همده عمومی ایشگ‌ده تورگن حربی قوریچیلرنی کوریش بیلن هر بیر تماشاچی ذهنی‌ده هنوز هم بو مرکزده ناتو کوچلری بارلیگی‌نی اویغاته‌دی.
اوشبو درمانگاه‌ده‌گی مخدر ماده‌لرگه بیریلگنلر بوندن آلدین پایخت کابل‌نینگ عمومی یوللری چیکه‌سی و کوپینچه‌سی ایسه مخدر ماده‌لری تاپیله‌دیگن کوپریکلر آستی‌ده حیات کچیررر دی.
پولیس مامورلری رخصتی بیلن بو مرکزگه کیره‌میز، مخدر ماده‌لرگه بیریلگن‌لرنینگ قطار اوی ایچی‌ده یوریش بیلن بند. بو درمانگاه‌نینگ ملازملریدن بیری مینی اویلردن بیرگه آلیب باره‌دی.
بنگی‌وار ماده‌لرگه بیریلگنلرنی درمالش مرکز وضعیتی یخشی لیگی بیلینیب تورگن. ینگی توشکلر اتاقلرنینگ ایسیق‌لیگی فضانی کیشیلر یشه‌شی اوچون ینه – ده مناسب قیلگن.
.jpg)
اویوشتیروچی ماده‌لرگه بیریلگن‌لردن بیری‌نینگ یانی‌گه اولتیره‌من، او، بوغزی تولیب بنگی وار ماده‌سی‌گه بیریلگن‌لیگی‌نی بونده‌ی حکایه قیله‌دی: «مخدر ماده‌لرگه بیریلگنیم‌گه 8 ییل تولدی و بو مدت ایچی‌ده عایله‌ام اوچون کته رنج من. قیلگن خطام‌گه توشینگن‌دن سونگ اوزیمنی آلدینگی حالت‌گه قیتریش ممکن بولمه‌دی.
او، اوزینی تانیشتیرمه‌دی، اما بو درمانگاه‌ده‌گی امکانیت‌دن راضی ایکنینی ایته‌دی. او، بو مرکزگه آلیب کیلینگنی‌دن بویان قیته‌دن ساغه‌لیب کیتیشی اوچون امیدوار بولگن.
صحبت‌نی درمانگاده‌گی مریض‌لردن بیری بیلن باشلیمن. کورینیشیچه، 22یاشر یاش ییگیت. بو یاش هم اوزینی تانیشتیرمیدی. اما، سوزلری‌نینگ باشی‌ده مخدر ماده‌لرگه بیریلگن‌لیگی نینگ بیرینچی سببی خانه‌دانی ایکن‌لیگی‌نی ایته‌دی. قالگنی‌نی اوز آغزیدن ایشی‌تینگ: «ایران‌ده مخدر ماده‌گه بیریلدیم، اونلب مرته بو موادنی ترک قیلیش اوچون قرار آلدیم، اما عایله‌ام‌نی ایشانمه‌گنی یامانراق بو ماده گه بیریلیش یوز کیلتیردیم»
بو یاش هم اوشبو درمانگاه حیاتی قیته یخشی له‌نیشی اوچون امیدوار
مخدر ماده‌لرگه بیریلگنلرنی کوریش بیلن بو درمانگاه مسوولی بیلن اوچره‌شیش‌گه سعی وحرکت قیلدیم. بو مرکزنینگ رییسی داکتر احمدظاهر سلطانی. اونگه کوره، مخدر ماده‌لرگه بیریلگنلر اوچ باسقیچ‌ده درمانلنه دیلر. دستلب روحی لحاظ‌‌دن مخدر ماده‌لرنی ترک قیلیش و قالگن باسقیچ لر بیرین – کیتین تطبیق ایتیله‌دی.
.jpg)
جناب سلطانی، بو مرکزده کمیده 200گه یقین شفاکار مخدر ماده‌لرگه بیریلگنلرنی درمانلش بیلن بندلر دیدی. بو توغریده ساغلیق‌نی سقلش وزیرلیگی‌نینگ تیگیشلی اداره‌سی مسوولی احمد فواد عثمانی بیلن گپیره‌من. اونگه کوره، فنیکس مرکزی 1500 کیشی‌نی درمانلش قابلیتی‌گه ایگه و حاضرگچه 600 کیشی بو مرکزگه آلیب کیلینگن.
عثمانی، حکومت بوتون مخدرماده‌لرگه بیریلگنلرنی بو مرکزگه آلیب کیلیش اوچون سعی و حرکت قیله‌دب دیدی.
شونینگ‌دیک رسمیلر، مذکور مرکزده مخدر ماده‌لرگه بیریلگنلر درمانلیش‌دن تشقری اولرگه کسب هم اورگه‌تیله‌دی دیگنلر.
بو ساغلیق‌نی سقلش مرکزی‌دن چیقه‌دیگنیم‌ده مخدر ماده‌لرگه بیریلگنلر سیماسی‌ده اوزگریش سیزدیم، بولر برچه‌سی بودن بیر آی آلدین کابل‌نینگ دریاسی همده قطار کوپریکلر آستی‌ده حیات کیچیرر دیلر. بو کیشیلر مذکور مرکزگه آلیب کیلینگ‌لیکلری بیلن قیلیمیش و رفتارلریگه اوزگریش کیلگن لیگی سیزیله‌دی.
