بوگون افغانستان ایچکی ایشلر وزیرلیگی فرخنده‌نینگ قتلی‌ده قولی بولگن 46 کیشی‌نینگ دوسیه‌سینی دولت باشقره‌لاوچیلیگی‌گه جونتدی.
مملکت دولت باشقره‌لاووچی‌لیگی‌نینگ سوزلاووچی‌سی عبدالبصیر عزیزنینگ کابل‌ده بیر خبری انجمن‌ده ایتیشیچه، حادثه‌ده قولی بولگن‌لرنینگ 19 نفری ایچکی ایشلر وزیرلیگی نینگ ماموری و قالگن 27 نفر عادی اهالی دیر.
جناب عزیزگه کوره، فرخنده دوسیه‌سی تیکشیریلیشی اوچون هیات تعین ایتیلگن، دوسیه‌نینگ برچه تامان‌لری جدی تیکشیریله‌دی.
دولت باشقره لاووچی‌لیگی‌نینگ سوزلاووچی‌سی، بولرنینگ 19 نفری ایچکی ایشلر وزیرلیگی‌نینگ ملازم‌لری دیر و قالگن 27 کیشی عادی اهالی دیگن.
عزیزنینگ سوزلریگه کوره، پولیس نینگ مامورلریدن عبارت 19 کیشی نینگ دوسیه حربی محکمه و قالگن 27 نفرنینگ دوسیه تشقی و ایچکی جرم‌لرگه قرشی کوره‌شیش اداره‌سی تیکشیره‌دی.
فرخنده اوتگن هفته پنجشبنه کونی کابل‌نینگ شاه دوشمشیره منطقه‌سیده قرآن کریم‌نی کویدیرگن‌لیک عیبی بیلن قطار عضب‌لنگن کیشی‌لر آرقه‌لی کتلتک‌له‌نیب اولدیریلگن‌د‌‌‌‌‌‌‌‌‌‌‌ن سونگ، جسدی اوتگه یاندیریلگن ایدی.
فرخنده قتلی اوچون بیلدیریله دیگن عکس العمل‌لر
فرخنده‌نینگ شهر مرکزی و جمهور رییس‌لیک سرایی‌ده یقینی‌ده وحشیانه اولدیریلیشی مدنی جماعه‌چیلیک اداره‌لری همده انسان حق و حقوق‌لری‌نینگ جدی عکس‌العملی‌گه سبب بولدی.
سونگی بیر نیچه کون دوامی‌ده کابل، هرات و بلخ ولایت‌لریده مساله‌گه اعتراض بیلدیریب نمایش‌لر اوتکزیلدی.
قول‌گه کیرتیلگن ینگی گزارش‌لرده، تخار و فاریاب ولایتی‌نینگ یشاووچی‌لر نمایش اوتکزیب عدالت آوازی‌نی چیقارگن‌لر.
افغانستان شمالی و شمال شرقی‌ده جایلشگن فاریاب و تخار ولایت‌لری‌نینگ مدنی جماعه‌چیلیک فعال‌لری فرخنده‌نینگ اولدیریلیب، جسدی اوتگه کویدیریلگن لیگی‌گه اعتراض بیلدیریب بوگون نمایش اوتکزگن‌لر.
تخارده نمایش اوتکزگن‌لر، گناه‌سیز اولدیریلگن فرخنده‌نینگ قاتل‌لری آغیر جزاله‌نیشی، همده فرخنده هلاک ایتیلگن لیگی‌نی توجه قیلگن‌لر ایشلری‌دن آلینیب قانون‌گه تاپشیریلیشی‌نی سوره‌گن‌لر.
عین حالده، فاریاب مرکزی میمنه شهریده هم مدنی جماعه‌چیلیک فعال‌لری فرخنده‌نی اولدیرگن‌لر انسان حق و حقوقی‌گه ضد بیر عمل دیب، حادثه عامل‌لری محکمه ایتیلیشی‌نی طلب قیلگن‌لر.
اعتراضچیلرگه کوره، فرخنده هیچ بیر گروه، قوم و مذهب‌گه تیگیشلی ایمس، بلکه او اسلام دنیاسی اینیقسه افغانستان ملتی‌نینگ قیز دیر.
ایتیلیشیچه، 27 یاشلی فرخنده اسلامی علم‌لر همده قرآن حافظی بولگن. فرخنده قتلی‌نی تیکشیرووچی کمیسیون آلیب باریلگن تیکشیروو لرده اونینگ گناه‌سیز ایکن لیگی انیق لنگن.
افغانستان ایچکی ایشلر وزیری نورالحق علومی فرخنده قرآن شریف‌نی کویدیرگن‌لیگی‌گه عاید هیچ قنده‌ی گواه قول‌گه کیریتیلمه‌گن لیگی‌نی ایتگن.
