د فراه ولایت د پوهنې ریاست تدریسي مرستیال صادق حلیمي سلام وطندار ته وویل چې د دولت وسلهوال مخالفان بېګا شپه د فراه ښار اړوند «ګنهګان» سیمې کې د نجونو یو ښوونځي ته ننوتي او د مدیریت دوو خونو له سوځولو وروسته یې د لابراتوار خونې ترڅنګ د دې ښوونځي ځېنو برخو ته اور اچولی دی.
ښاغلي حلیمي پهدې ولایت کې د ښوونځیو سوځوېدلو نه په اندېښنې سره وویل چې د دې ښوونځي په تخریبېدلو سره شاوخوا ۱۰۰۰ نجونې له زدهکړو بېبرخې شوې.
نامالومو وسلهوالو په پکتیکا کې یو ښوونځی سوځولی
طالبانو لوګر کې د هلکانو او نجونو ګډ ښوونځی سوځولی
طالبانو په فاریاب کې د نجونو یو ښوونځی سوځولی
د فراه ولایتي شورا مرستیال شاهمحمود هم وايي چې د فراه ښار ګنهګان له ګڼې ـ ګوڼې ډکه سیمه ده او د دې ښوونځي له سوځېدلو سره به ډېرې زدهکوونکې له زدهکړو محرومې پاتې شي.
ده د دولت له وسلهوالو مخالفانو غوښتنه وکړه چې عامالمنفعه ځایونه تر برید لاندې ونه نیسي.
طالبانو د یوې خبرپاڼې په خپرولو سره د دې ښوونځي سوځول رد کړيدي.
دا په روانې میاشتې کې د فراه ښار اړوند سیمه کې دویم سوځېدونکی ښوونځی دی.
