بوگون چهارشنبه ایرتلب تانگ وقتی بیلن ساعت اوچ‌ده مساو قیشلاغی‌ده پولیس‌نینگ پوسته‌سی هجوم آستی‌گه آلینیب، جنگری‌لر بیلن ملی کوچلر اورته‌سیده توقنشوو یوز بیرگن.
پشت رود ولسوالی ملاغوث هجومنی هنوز هم دوامی بارلیگی‌نی سلام وطندارگه ایتگن. جنگ‌ده تورت محلی پولیس قوشیمچه بیر ملی پولیس عکسری هلاک ایتیلگن، شونینگ‌دیک باشقه تورت محلی پولیس ایسه یره‌لنگن.
جنگری طالب‌لر تلفاتی باره‌سیده معلومات بیرمه گن پشت رود وسوالی‌نینگ سوزلریگه کوره، عصیانچی‌لرگه کته جانی تلفات ییتکزیلگن. عین حالده، جناب غوث قورال‌لی طالب‌لر آرقه اویوشتیریلگن مذکور هجوم‌دن نیت پشت رود ولسوال‌لیگی‌نی تصروف قیلیب، فراه ولایت مرکزی‌گه هجوم قیلیش بولگن لیگی‌نی ایتگن. فراه ولایت والی‌سی‌نینگ سوزلاووچی‌سی جاوید افغان هجومنی تصدیق‌لب سلام وطندارگه گپیریشیچه، جنگرلرنینگ سانی 700 دن آرتیق بولگن. شوکبی جناب افغان‌گه کوره، هجومچی‌لر و ینه ملی کوچلر اورته‌سیده روی بیرگن قورال‌لی توقنشووده بیر مخابراتی شرکت‌نینگ ایکّی آنت‌نی هم بوزیلگن. انه شو سبب محل‌ده‌گی ملی کوچلر بیلن علاقه کیسیلیب قالگن.
فراه ولایت والی‌سی‌نینگ سوزلاووچی‌سی، محلی خوف‌سیزلیک بلند مرتبه‌لی رسمی‌لر واسطه‌سی بیلن علاقه‌نی تامین لش‌ده سعی وحرکت بارلیگی‌نی بیلدیرگن. فراه ولایتی‌ده ملی اردو نینگ سوزلاووچی‌سی عبدالرووف رحمانی واقعه‌نی تصدیق‌لب، ملی کوچلر اون بیش قیشلاق‌نی قیته‌دن طالب‌لر تصرفی‌دن آزاد ایتیش اوچون سعی وحرکت بارلیگی‌نی ایتگن. جناب رحمانی، حاضرگه قدر 7 قیشلاق طالب‌لر اداره‌سی آستیدن چیقاریلگن لیگی‌نی ایتگن.
ملی کوچلرنینگ مذکور یوقاری مرتبه‌لی رسمی‌سی، هنوزگچه ایکّی خودکش هجومچی داخل 18 طالب تن جراحتی آلگن. ایتیلیشیچه، هجوم‌ده بیر تینچ اهالی قوشیمچه ایکّی پولیس و ملی کوچلرنینگ اوچ عسکری تن جراحتی آلگن.
