فراه ولایتی‌نینگ نماینده‌لر مجلسی‌ده‌گی وکیللری، افغان ملی کوچلری‌نینگ 350 عسکری تورت کوندن بیری ولایت‌نینگ بالابولوک ولسوال‌لیگی‌ده جنگری طالب‌لر قورشاوویده قالگن دیگنلر. اما، مذکور خبرنی تصدیق‌له‌گن مملکت غرب حوزه‌سی‌نینگ امنیتی بلند مرتبه‌لی رسمیلری، اوشبو ولسوال‌لیکده قورال‌لی طالب‌لر بیلن افغان ملی کوچلری اورته‌سیده آغیر اوروش دوامی بارلیگیی ایتگنلر.
پارلمان اعضالری عبدالرحمان رحمنی و قاضی نذیراحمد حنفی‌نینگ سوزلریگه کوره، جنگری طالب‌لر قورشاوویده قالگن مذکر حربی‌لرنی قوتقزیق اوچون محل‌گه حربی قوشین یوباریلمه‌گن حالده، بو عسکرلر هلاک ایتیلیش‌لری ممکن.
هلمندنینگ مذکور نماینده‌لر، حاضر افغانستان‌نینگ نیچه ولایتی‌ده اوروش جریانی بار، بو ایسه فقط قندوز ایمس بلکه مملکت‌نینگ نیچه ولایتی ساتیلگن‌لیگینی کورسته‌دی دیگنلر.
شونینگ‌دیک جناب حنفی قولگه کیریتیلگن معلومات‌لر اساسیده ملی کوچلرنینگ 25 نفری هلاک ایتیلگن دیگن.
باشقه تاماندن ولایت کینگشی‌نینگ رییسی فرید بختورنینگ سلام وطندارگه ایتیشیچه، حاضر بالابلوک ولسوال‌لیگی‌نینگ شیوان قیشلاغیده قتیق اوروش جریانی بار و کومکی کوچلر هم منطقه‌گه یوباریلگن.
بختورنینگ آگاهلنتیریشیچه، طالب‌لر اوروش منطقه‌سیده ماین اورنتگن‌لر، محل‌گه کومکی کوچلر یوباریلمه‌گن حالده، قندوز حادثه‌سی ینه بیر بار تکرار بوله‌دی.
فراه ولایت کینگشی‌نینگ رییسی افغانستان ملی بیرلیک حکومتی رهبرلری همده ملی مدافعه و ایچکی ایشلر وزیرلیگیدن کوپراق حربی کوچ یوباریش بیلن اوروشنی مدیریت قیلیشنی سوره‌گنلر.
لیکن، مملکت غربیده ملی اردونینگ قوماندانی تاج محمد جاهدنینگ سوزلریگه کوره، بالابلوک ولسوال‌لیگی‌نینگ شیوان منطقه‌سیده قتیق اوروش دوامی بار، اوروش هنوزگچه ملی کوچلر منفعیتی‌گه دیر.
ملی اردونینگ مذکور قوماندانی، اوروش میدانی اطرافی‌ده میان اورنه تیلگن‌لیگینی تصدیق‌لب، بیراق ملی کوچلر اختیاریده بولگن اسکونه‌لر آرقه‌لی مذکور میانلر بیکار ایتیله‌دی. اونگه کوره، اوشبو اوروش‌ده طالب‌لردن 200 و 250 جنگری اشتراک قیلگن.
فراه ولایتی‌نینگ بالابلوک و پشت‌رد ولسوال‌لیکلریده آلتی کوندن بیری اوروش جریانی بار. جناب جاهد، هنوزگچه عصیانچی طالب‌لرنینگ 30 نفری قوشیمچه 3 قوماندانی اولدیریلگن دیگن.
