سلام‌وطندارگه صحبت بیرگن فراه ولایتی کینگشی اورین باسری شاه‌محمود نعیمی‌نینگ ایتیشیچه، طالبان بوگون ایرته‌لب ساعت 9 اطرافیده فراه‌نینگ دارآباد یولیده، بیر کیشی نی اوققه توتیب و باشقه 10 کیشی اوزلری بیلن آلیب کیتگن.
اونگه کوره، مذکور کیشی‌لر حکومت ایشلاوچیلری و منطقه بویوکلری بولیب و دارآباد منطقه‌سیدن فراه شهری تامان کیتماق نیتیده ایکنلر.
نعیمی‌نینگ کوپه‌یتیریشیچه، اوغیرلنگن کیشی‌لرنینگ تقدیری‌دن هیچ قندی خبر قولگه کیلمه‌گن.
فراه‌نینگ دارآباد قیشلاقی فراه شهری‌نینگ 7 کیلومترلیگی‌ده قرار تاپگن.
ایتیلیشیچه، مذکور کیشی‌لر بیر پولیس پوسته‌سی‌نینگ یقینلیگیدن اوغیرلنگن.
بو توغریده، پولیس و فراه محلی اداره‌سی‌نینگ فکرینی آلیش اوچون حرکت قیلدیک؛ بیراق کوپینچه سعی و حرکت بیلن موفق بولمه‌دیک.
