فراه ولایتی‌ده ناتانیش قوراللی کیشی‌لر، اوچ یوک تاشیووچی موترنینگ هیداوچی‌لرینی اوغیرلب و موترلرینی اوتگه یاندیرگن.
فراه حاکمی سوزلاوچیسی محمدناصر مهری‌نینگ ایتیشیچه، بو واقعه «چهارشنبه» کون ایرته‌لب ولایت‌نینگ ایران بیلن چیگره‌داش بولگن منطقه‌سیده یوز بیرگن.
جناب مهری‌نینگ کوپه‌یتیریشیچه، حاضرگچه اوغیرلاوچی‌لرنینگ کیم‌لیگی معلوم بولمه‌گن.
فراه حاکمی سوزلاوچیسی‌گه کوره، بو توغریده امنیتی کوچلر تدقیقات باشله‌گن.
حاضرگه‌قدر هیچ بیر گروه یا-ده شخص بو واقعه مسؤولیتی‌نی بوینیگه آلمه‌گن.
