غور؛ قوروقچیلک باعث چاروالرنینگ بهاسی قویی کیلگن

سلام‌وطندارگه صحبت بیرگن غور چاروادارلریدن قطاری‌نینگ ایتیشیچه، قوروقچیلیک و امکانیت یوقلیگی باعث، چاروالری‌نینگ بهاسی اوتگن ییل لرگه کوره قویی کیلگن.

اولرگه کوره، اقتصادی قشاقلیک، سوو و کوک‌اوت یوقلیگی اولرنینگ چاروالرینی ساتیش گه مجبور قیلگن. غور چاروادارلری‌نینگ ایتیشیچه، حکومت اولرگه توجه قیلمه‌گن صورتده، چاروادارلیک شغلی دن قول تارتیشلری ممکن.

اوشبو ولایت چاروادارلریدن فضل‌الله‌ نینگ ایتیشیچه، اوتگن ییل ده بیر قوی نینگ بهاسی 5 الی 7 مینگ ایکن، بیراق حاضر بو رقم 3 مینگ گه قویی توشگن.

غور چاروادارلری‌نینگ ایتیشیچه، کونده سوداگرلر بو ولایت بازارلریدن کمیده 2 مینگ چاروانی قویی بها گه ساتیب آلیب و باشقه ولایتلرده انتقال بیریب یوقاری قیمت گه ساته‌دیلر.

غور ولایتی‌نینگ محلی مسئولری یوز بیرگن قوروقچیلیک دن خواطر بیلدیریب ایتیشلریچه، موسمی یامغیرلر یاغمه‌گنی سبب، ولایت ایکوچیلر کوپینچه محصولات قولگه کیلتیرالمه‌گن.

غور حاکمی سوزلاوچیسی عبدالحی خطیبی‌نینگ ایتیشیچه، اولر بو موضوع لرنی مرکزی رسمیلرگه ییتیشتیرگنلر و ایکینچیلیک وزیرلیگی بیر قنچه چاروا علوفه‌سی بو ولایت ده یوبارگن و اولرنینگ ترقه‌تیش روندی تیزلیکده باشلنه‌دی.

غور چاروادارلری و محلی مسئولری گه کوره، مذکور یشاوچیلریدن 95 فایزی چاروادارلیک بیلن شغل‌لنیب و شو یولیدن حیات کیچیره‌دیلر و بو ولایتده‌‌گی چاروالرنی باشقه ولایت‌لرده انتقال بیریلیشی نی یخشی نتیجه‌سی یوق.