فرانسه سابق جمهور رییسی آرتیق‌چه صرفله‌گنی باعث تیرگاو ایتیلماقده

فرانسه‌نینگ سابق جمهور رییسی نیکلاس سارکوزی، میلادی 2012- ییل سیلاو کمپاینی جریانیده تعیین ایتیلگن خرجت‌دن آرتیقچه صرفله‌گنی باعث، پاریس محکمه‌سی تامانیدن تیرگاو ایتیلماقده.

فرانس 24 تلویزیونی‌نینگ گزارشی‌گه کوره، اوتگن «سه‌شنبه کون» پاریس دستلبکی محکمه‌سی، نیکلاس سارکوزی‌نینگ شبهه‌لی مالی فعالیت‌لرگه عیب‌لب، تیرگاو ایتیلیشی خصوصیده، حکم صادر ایتگن.

فرانسه‌نینگ سیلاولر قانونی اساسیده، مذکور مملکت جمهورلیک ریاستی‌نینگ سیلاو نامزدلری، سیلاو کمپاینی جریانیده، چمه‌سی 25 میلیون دالر صرفلش‌گه حقی بار و بوندن آرتیق صرفله‌گن نامزدلر تیرگاو ایتیله‌دی.

دیمک میلادی 2012- ییل، جناب سارکوزی، جمهورلیک ریاستی سیلاوی‌نی سوسیال دموکرات رقیبی فرانسوا اولاندگه وازکیچدی، بیراق پاریس محکمه‌سی تامانیدن کیریتیلگن عیبلاولر اساسیده، جناب سارکوزی «بیگامالیون» ناملی شرکت همکارلیگی‌ده میلادی 2012- ییل سیلاوی‌ده 19 میلیون دالرنی یاشیرگن.

سارکوزی، فرانسه‌نینگ جمهوری خواه حزبی‌نینگ رهبری دیر و احتمال باریچه میلادی 2017- ییل فرانسه‌نینگ کیله‌جک جمهورلیک ریاستی سیلاوی‌ده اوزینی جمهورلیک ریاستی‌گه نامزد قیله‌دی.

شونینگ‌دیک بوندن آلدین، جناب سارکوزی مالی فساد و باسیم‌لری باعث، پاریس محکمه‌سی تامانیدن تیرگاوگه آلینگن ایدی، بیراق ییترلیچه مدرک و حجت یوقلیگی باعث، دوسیه ایزلنمه‌دی.