سوریه رژیمی فرانسه تامانیدن آگاه‌لنتیریلدی. فرانسه‌نینگ ایتیشیچه، سوریه تامانیدن اویوشتیریلگن هوایی هجوملرده شیمیایی ماده‌دن ایش آلینگنی اثباتلنگن صورتده، سوریه گه هجوم قیله‌دی.
5- فبروری اسد رژیمی تامانیدن اویوشتیریلگن هجوم نتیجه‌سیده 9 تینچ اهالی نفس قیین‌چیلیگی باعث، کسلخانه گه انتقال بیریلگن. بو واقعه سوریه دولتی مخالف‌لریگه قرشی شیمیایی ماده‌دن فایده‌لنیش شبهه‌لرنی کوپه‌یتیرگن.
اوشبو موضوع توغریسیده فرانسه جمهور رییسی امانویل مکرون‌نینگ ایتیشیچه، سوریه رژیمی تامانیدن شیمیایی ماده فایده‌لنیلگن موضوعی اثباتلنگن صورتده، فرانسه دولتی اوشبو هجوملر اویوشتیریلگن منطقه‌لرگه هجوم قیله‌دی.
جناب مکرون‌نینگ ایتیشیچه، شیمیایی قوراللردن فایده‌لنیلگنی حاضرگچه فرانسه‌نینگ معلوماتی تشکیلاتی تامانیدن اثباتلنمه‌گن، بیراق بو موضوع اثباتلنگن صورتده، سوریه دولتی نه‌فقط هجوم‌گه دوچ کیله‌دی، بلکیم خلق ارا محکمه‌سیگه جواب بیره‌دی.
فرانسه جمهور رییسی‌نینگ ایتیشیچه، ترورچیلرگه قرشی کوره‌ش مملکتی‌نینگ بیرینچی ایشینی تشکیل بیره‌دی.
قوتقرش تشکیلاتی تامانیدن بیریلگن گزارش اساسیده، سوریه رژیمی‌نینگ سونگی هوایی هجوملریده کلورین گازیدن فایده‌لنگن؛ بو ادعا سوریه دولتی تامانیدن رد ایتیلگن.
