فاریاب پولیسو د رنجر ناقانونه ګړندي تګ له امله یو تن وواژه او ۳ نور یې ټپیان کړل.
د فاریاب ولایت د پولیسو رنجر موټر د یو ماشوم او دوه سړیو له وهلو وروسته له سیمې تېښته کړې، چې د تېښتې پر مهال یې ۶۰ کلن سړی د رنجر د ټیرونو لاندې کړی دی.
د دغه ولایت د ترافیکې پېښو مدیر رمضان وايي، چې دغه پېښه د فاریاب ولایت مرکز د میمنې ښار په لومړۍ ناحیه "دمقول" سیمه کې شوې ده.
دی وايي، چې د رنجر چلوونکی د امنیتي ځواکونو له لوري نیول شوی دی او پېښه د څېړنې لاندې ده.
د فاریاب ولایتي روغتون د بېړنیو پېښو د څانګې امر ډاکټر احسان الله شب باش وايي، روغتون ته د یو منځني عمر لرونکي سړی مړی راوړل شوی دی.
نوموړي د پېښې د ټپيانو په اړه وویل، چې یو ۵ کلن ماشوم، یو ۶۰ کلن سړی او یوه ۴۰ کلنه مېرمن په ټپي حالت کې روغتون ته وروړل شوې ده.
دی وايي، چې د ټپیانو حالت د اندېښنې وړ دی.
د پېښې یو عني شاهد وايي، د پولیسو رنجر موټر د ګړنډي تګ له امله یوه مېرمن، یو ماشوم او یو سړی وواهه او له پېښې یې د تېښتې پر مهال یو سپين ږیری سړی د رنجر د ټیرونو لاندې کړ.
په ورته وخت کې د میمنې اوسېدونکي د پولیسو رنجر موټرونو له ګړڼدي تګ نه شکایت کوي او د ولایت مقام، امنیتي چارواکي او د ترافیکو مدیریت په بې پروايۍ تورنوي.
د میمنې ښار یو اوسېدونکی احمد جاوید سلام وطندار ته وویل، هره ورځ د پولیسو په لسګونه رنجرې بې له دې، چې ځانکړی ماموریت ولري؛ په سړکونو او واټونو کې ګړندی تک کوي او ولس ته مزاحمت کوي.
جاوید زیاته کړه، چې دا د ملت پانګه ده، خو د رنجرو ډېر چلوونکي د نشه یي توکو له څکولو وروسته د رنجر جلب ته کېني، چې ډېر ځله د داسې بدو پېښو لامل کېږي.
دا ډول پېښې د هېواد په څو ښارونو کې رامنځته شوي او داسې ښکاري چې مسولو کسانو د داسې پېښو عاملینو ته سزا نه وورکوي.
دا په داسې حال کې ده، چې د ترافیکي قانون رعایت کول، له هېوادالو سره سم چلند او د نظامي موټرونو سمه ګټه اخیستنه، د نظامیانو له لومړنیو دندو څخه شمېرل کېږي.
