فاریاب ولایتی کینگش باشلیغی طاهر رحمانی‌نینگ سلام‌وطندارگه ایتیشیچه، اوشبو ولایت تومن‌لریدن 10 ته‌سی نینگ ولسوال‌لری میمنه‌ده دیر و مذکور تومن‌لرده بارمه‌یدیلر.
جناب رحمانی‌گه کوره، کوهستان، گرزیوان، بلچراغ، خواجه‌سبزپوش، شیرین‌تگاب، دولت‌آباد، المار، غورماچ، قرمقول و قرغان تومن‌لری نینگ ولسوال‌لری آی‌لیک حقوق‌لرینی آله‌دیلر، بیراق اهالی قیین‌چیلیگی‌نی حل قیلیش اوچون یاد‌لنگن تومن‌لرده بارمه‌یدیلر.
شیرین‌تگاب تومنی‌نینگ ولسوالی زین‌الله ذکی و کوهستان تومنی نینگ ولسوالی روح‌الله میرزاد نینگ سلام‌وطندارگه ایتیشیچه، مذکور تومن‌لرده امنیتی قیین‌چیلیک‌لر و اداری بنا بولمه‌گنی سبب، وظیفه‌لری اوستیگه حاضر بوله آلمه‌یدیلر.
عین‌حالده، فاریاب حاکمی نینگ اورین باسری مقیم راسخ نینگ بو خبرنی تصدیق‌لب ایتیشیچه، قطار تومن‌لرنینگ قتناو یوللری یاپیق بولگنی سبب، اوشبو تومن ولسوال‌لری باریش‌گه موفق بولمه‌گن.
جناب راسخ‌گه کوره، ولسوال‌لردن 7 ته‌سی نینگ ایش‌لری اوستیگه حضوری یوق دیر و باشقه 3 ولسوال‌‍‌گه تومن‌لریده باریش زمینه‌سی یره‌تیله‌دی و تیزلیک‌که تومن‌لریده باره‌دیلر.
فاریاب مدنی فعال‌لری نینگ حکومت دن تنقید قیلیب ایتیشیچه، فاریاب ولایتی نینگ قطار تومن‌لریده دولتی اداره‌لر یاپیق دیر و مذکور تومن‌لرنینگ یشاوچی‌لری قیین‌چیلیک‌لری بولگن صورتده، دولتی اداره‌لرگه مراجعت قیله آلمه‌یدیلر.
