فاریاب ولایتی قیصار تومنی محلی رسمی‌لری‌نینگ آگاه‌لنتیریشیچه، حکومت تامانیدن قیصار تومنی‌نینگ امنیتی وضعیتی توغری‌سیده دقت قیلینمه‌گن صورتده، مذکور تومن تیزلیک‌ده قورال‌لی طالب‌لر قولی‌گه توشیشی ممکن.
قیصار تومنی باشلیغی رحمت‌الله قیصاری‌نینگ سلام‌وطندارگه ایتیشیچه، اوتکن ایکی کون جریانیده تومن بناسی‌دن باشقه قیصارنینگ بوتون منطقه‌سی قورال‌لی طالب‌لر قولی‌گه توشگن.
عین حالده، فاریاب ولایت کینگشی‌نینگ باشلیغی سیدعبدالباقی هاشمی‌گه کوره، ییگیرمه قیشلاق قوشیمچه «بازارشاخ» نینگ اونملی منطقه‌لری، خواجه‌کنتی، زیارتگاه، غوره، خواجه‌گوهر، قرایی قیشلاغی اطرافی و چهارشنبه بازار، دولت‌گه قرشی قورال‌لی عصیانچیلر قولی‌گه اوتگن.
فاریاب ولایت کینگشی‌نینگ باشلیغی آگاه‌لنتیریب ایتیشیچه، تیزلیک‌ده ییر و هوایی یاردم‌لر قیصار تومنی‌گه ییتیشمه‌گن صورتده، اوشبو تومن قولدن کیته‌دی، شونینگ‌دیک المار تومنی‌هم قورال‌لی طالب‌لر قولی‌گه توشیشی ممکن.
قیصار تومنی باشلیغی‌گه کوره، سونگی توقنه‌شوولرده، 18 قورال‌لی طالب هلاک بولگن و باشقه 20 ته‌سی یره‌لنگن. شونینگ‌دیک خلق کوچلریدن 8 ته‌سی هلاک بولیب و باشقه 15 ته‌سی تن جراجت آلگن.
بازارشاخ‌نینگ اونملی منطقه‌سی باشقه نیچه قیشلاق شامل، اوچ هفته آلدین جنرال دوستم رهبرلیگی‌ده دولتی کوچلر قولی‌گه توشگن ایدی.
