طالبان حرکتی‌نینگ رهبرلری بولمیش ملااخترمحمد منصور و ملا رسول جنگریلری اورته‌سیده بو مرته فاریاب ولایتی‌نینگ قیصار تومنی‌ده اوروش یوز بیرگن.
اوشبو ایکّی جنگری گروه اخیرگی وقت‌لرده مملکت‌نینگ قطار حدودلریده بیر- بیراولری بیلن توقنشدی.
فاریاب پولیس قوماندانی سیدآقا اندرابی نینگ سلام‌وطندارگه ایتیشیچه، طالبان‌نینگ مذکور ایکّی گروهی اورته‌سیده (چهارشنبه کیچه 19- حوت) ده «خواجه کینتی و شاخ بازاریده» یوز بیرگن اوروش بوگون ایرتلب ساعت اونگچه هم دوام ایتیگن.
جناب اندرابی، اوروش نتیجه‌سیده فاریاب ولایتی‌ده ملامنصور رهبرلیگی‌ده قورال‌لی طالب‌لرنینگ حربی قوماندانی ملاعبدالبصیر بیر تن قوریقچی‌سی بیلن یره‌لنگن دیگن. شونینگ‌دیک او، ملارسول‌گه قره‌شلی جنگری‌لرنینگ کیم لیگی هنوزگچه معلوم بولمه‌گن دیگن.
اما، فاریاب ولایتی‌نینگ قیصار تومنی اوچون قورال‌لی طالب‌لرنینگ ولسوالی ایتیب تعینلنگن ملاعبدالخلیل خبرنی تصدیق‌لب، توقنشووده هیچ بیر تامانگه جانی زیان ییتمه‌گن لیگینی بیلدیرگن.
بوندن بیر هفته آلدین هم ملامنصورگه قره‌شلی 15 کیشی‌لیک بیر گروه المار تومنی‌نینگ خواجه گوهر منطقه‌سیده ملارسول جنگریلرگه هجوم قیلگن ایدی. بو توقشنو ملا منصور نینگ اوچ حربی‌سی تن جراحتی آلیش بیلن اوزپایانی‌گه ییتگن ایدی.
نهایت‌ده هرات‌ده طالب‌لر اورته‌سیده جنگ یوز بیرگن.
هرات ولایتی‌نینگ امنیتی بلند مرتبه‌لی رسمیلری، اوچ کوندن بیری طالبان رهبرلری ملا اختر محمد منصور و ملارسول قورال‌لی جنگریلری اورته‌سیده یوز بیرگن اوروش ملارسول‌گه طرفدار ملا ننگیالی ملی اردوگه قوشیلیش بیلن اوز پایانی‌گه ییتگن دیگن‌لر.
هرات ولایت مقامی‌نینگ مطبوعات اداره‌سی مسوولی جیلانی فرهادگه کوره، اوروش‌ده تامانلردن 200 گه یقین جنگری نابود بولگن.
هرات ولایتی‌نینگ مذکور محلی رسمی‌سی سوزلریگه قره‌گن‌ده، تلفات آشیشی بیلن ملا ننگیالی اوروش میدانی‌دن آرت‌گه قیتیب، 100 نفری بیلن ملی اردوگه قوشیلگن.
شونینگ‌دیک جناب فرهاد، مذکور گروه‌نینگ جنگریلری توقنشوو جریانیده «جنگی جنایتچی» بولگن‌لیککه عیبلگن‌لر دیگن. اونینگ سوزلریگه کوره، قورال‌لی طالب‌لر تینچ اهالی آلدیده بلاغت‌گه ییتمه‌گن گودک‌لر باشینی تنه‌سی‌دن جدا قیلیب اولدیرگن. ایتیلیشیچه، جنگری‌لر آرقه‌لی عادی اهالی‌نینگ اویی هم تالان ایتیلگن.
هرات ولایتی‌نینگ مطبوعات اداره‌سی مسوولی، اوروش منطقه‌سی ملاننگیالی کیشی‌لری تامانیدن ترک ایتیلگن‌دن کیین، ملا اختر محمد منصورگه وفادار ملا صمدنینگ جنگریلری تینچ اهالینی قتیل قیلگن.
