ولایت مرکزی میمنه شهریده یاشلیکدن نقاشلیک صنعتیگه مهر قویگن مصدق‌الله مجیدی بیلن سلام‌وطندارنینگ محلی خبرچیسی نقاشلیک صنعتی احوالی قنده‌ی لیگی باره‌سیده مخصوص صحبت اوتکزگن.
صحبت، عمومأ نقاشلیک احوالی و کیشیلرنینگ بو صنعتگه علاقه‌سی توغریسیده اوتکزیلگن.
سونگی ییللرده حکومت نینگ توجه سیزلیگی، ناتینچ‌لیکلر، عادی خلق نینگ مهرسیزلیگی و نقاشلیک صنعتیگه عاید مخصوص ییغینلر اوتکزیلمه گنی اوشبو نفیس صنعت آغیر ضربه کوریب ایسدن چیقیش عرفه‌سیده تورگن.
مصدق‌الله مجیدی نینگ موضوعگه باغلیق ایستک و خواطرلرینی اورگنیب آلگن سلام‌وطندارنینگ محلی خبرچیسی‌گه کوره، دولت ملازملریدن آلیب خصوصی اداره لر هم اوشبو صنعتگه اعتبار قره‌تمه‌گن.
مجیدی، ینگی تیکنالوژی و کمپیوتری آسایشته لیکلرهم نقاشلیک صنعتیگه سلبی تأثیر تشله‌گنینی انکار قیلینمی دیگن بیر مساله ایکن لیگنی تیلگه آلگن.
حاضرگه قدر 50دن آشه نقاشلیک اثری یره تگن و یاشلیکدن نقاشلیک و خطاطلیک هنریگه کونگیل بیرگن مصدق‌الله مجیدی چمه‌سی 5 ییلدن بیری عمری‌نینگ کته قسمینی شو یولده صرف له گنینی اورغولیدی.
نقاشلیک صنعتی اوزون یشب کیله دیگن هنرلردن بولگنینی تیلگه آلگن مجیدی، نقاشلیک صنعتی ایریم دوره لرده دولتلر مهرسیزلیگی باعث توجه قیلینمه‌گن بولسه – ده، اوزاق زماندن بیری یشب اوزیگه خاص مخلصی بولگن لیگی نینگ قضیه‌سی باشقه‌چه دیدی.
مجیدی نینگ معلوماتیگه کوره، افغانستان اینیقسه فاریاب ولایتیده نقاشلیک صنعتیگه کونگیل بیرگنلر سانی آز ایمس؛ بیراق سونگی ییللرده شرایط نامناسب کیلگن لیگی دلیل مذکور صنعت ضعیفلشیب بارماقده.
جناب مجیدی نقاشلیک صنعتی ترقیاتی و رونقی اوچون حکومت نینگ بو توغریده کورسته دیگن اعتباری قانیقرلی ایمس لیگیدن نالیگن. او، حاضرگه قدر فاریاب ولایتی نینگ اخبارات و مدنیت ریاستی تامانیدن بیرمرته نقاشلیک کورگزمه‌سی بولیب اوتگن لیگنی ایته‌دی.
او محلی حکومتدن نقاشلر اوچون خاص مکان اجره‌تیب مذکور صنعت اوسیشیگه بودجه معین بودجه اجره‌تیشی‌نی طلب قیله‌دی.
طالبلر تیزیمی تونتریلیشی‌دن سونگ افغانستان‌ده نقاشلیک و خطاطلیک بولیمیده کوپلب ایشلر بولگن. لیکن، سونگی ییللرده مذکور بولیمده فعالیت سُستلشیب کیتگنی اوچون هم کوپلب نقاشلیک و خطاطلیک هنریگه مهر قویگنلر روزغار تیبرهتیش ناچار باشقه کسبلرنی اوزلریگه تنله‌گنلر.
