فاریاب ولایتی نینگ اندخوی، قرمقول، قرغان و خانچارباغ تومن‌لری نینگ یاشلریدن بیرقطاری، قیزلرنینگ مهریه‌سی یوقاریلیگی‌دن شکایت قیلیشگن.
اوشبو یاشلرنینگ ایتیشیچه، مذکور تومن‌لرده قیز مهریه‌سی 9 مینگ‌دن 25 مینگ دالرگچه بولگن.
سلام‌وطندارگه صحبت بیرگن فاریاب ولایتی نینگ اندخوی تومنی یشاوچیلریدن بیری احسان بیک نینگ ایتیشیچه، قیزلرنینگ مهریه‌سی یوقاری بولگنی باعث، یاشلردن کوپینچه‌سی طوی خرجتی‌نی تاپیش اوچون قوشنی مملکت‌لرگه قاچاق شکلده کیتیشه‌دی.
فاریاب ولایتیده مدنی فعال خدایداد درویش نینگ ایتیشیچه، اندخوی گه تیگیشلی تورت تومنده طویانه خرجتی کوپ بولگنی باعث، یاشلر مخدره ماده گه یوز کیلتیریشگن.
شونینگدیک، فاریاب ولایتیده عیاللر ریاستی باشلیغی ماریا نوری نینگ ایتیشیچه، قیزلرنینگ مهریه‌سی یوقاریلیگی یالغیز ایرکک‌لرنینگ قیین‌چیلیگی ایمس، بلکیم قیزلر هم شو یوزه‌دن رنج ییلتیشه‌دی.
فاریاب ولایتیده حج و اوقاف ریاستی باشلیغی گل‌احمد لطفی نینگ ایتیشیچه، فاریاب ده عالم‌لر کینگشی نینگ همکارلیگی بیلن قیزلرنینگ مهریه‌سی 300 مینگ افغانی تعیین قیلیشگن.
بیراق، کورینیشیچه حج و اوقاف ریاستی و عالم‌لر کینگشی نینگ بو قراری حاضرگه‌قدر عمل گه آشیریلمه‌گن.
